Sufinama

soz-e-gham se tan ze-bas ham-dosh-e-KHakistar raha

Shah Naseer

soz-e-gham se tan ze-bas ham-dosh-e-KHakistar raha

Shah Naseer

MORE BYShah Naseer

    soz-e-ġham se tan ze-bas ham-dosh-e-ḳhākistar rahā

    us se jo chamkā sharar rū-posh-e-ḳhākistar rahā

    sūrat-e-hastī meñ phir dekheñge shakl-e-raftgāñ

    ab talak ā.īna ham-āġhosh-e-ḳhākistar rahā

    vādī-e-vahshat-asar meñ yaañ ġhubār-e-raftagāñ

    gard-bād-āsā sadā bar-dosh-e-ḳhākistar rahā

    jal ke parvāna huā jo raakh ik Dher raat

    ashk-e-chashm-e-sham.a tā-sar-e-gosh-e-ḳhākistar rahā

    kisvat-e-ḳhākistarī hai fāḳhta ke bar meñ aah

    gulistān-e-dahr meñ kyā josh-e-ḳhākistar rahā

    dāman-e-shab hai siyah miltā hai muñh se ḳhāk-e-charḳh

    kis ko is mātam-kada meñ hosh-e-ḳhākistar rahā

    kyuuñ na ho uftād-gāñ qadr yaañ ab ai 'nasīr'

    naqsh-e-pā-e-raftagāñ sar-posh-e-ḳhākistar rahā

    soz-e-gham se tan ze-bas ham-dosh-e-KHakistar raha

    us se jo chamka sharar ru-posh-e-KHakistar raha

    surat-e-hasti mein phir dekhenge shakl-e-raftgan

    ab talak aaina ham-aghosh-e-KHakistar raha

    wadi-e-wahshat-asar mein yan ghubar-e-raftagan

    gard-baad-asa sada bar-dosh-e-KHakistar raha

    jal ke parwana hua jo rakh ka ek Dher raat

    ashk-e-chashm-e-shama ta-sar-e-gosh-e-KHakistar raha

    kiswat-e-KHakistari hai faKHta ke bar mein aah

    gulistan-e-dahr mein kya josh-e-KHakistar raha

    daman-e-shab hai siyah milta hai munh se KHak-e-charKH

    kis ko is matam-kada mein hosh-e-KHakistar raha

    kyun na ho uftad-gan ki qadr yan ab ai 'nasir'

    naqsh-e-pa-e-raftagan sar-posh-e-KHakistar raha

    Source :
    • Book : Kulliyat-e-Shah Naseer Edited: Tanwir Ahmad Alvi (Pg. 255)
    • Author : Shah Naseer
    • Publication : Majlis-e-Taraqqi Adab, Lahur (1971)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now