Sufinama

pahle nigah phir meri dushman haya hui

Ameer Minai

pahle nigah phir meri dushman haya hui

Ameer Minai

MORE BYAmeer Minai

    pahle nigāh phir mirī dushman hayā huī

    vo ek thī ye dūsrī ai dilrubā huī

    laTkā.e kyuuñ ga.e haiñ ye kaisī sazā huī

    gesū to ḳhud balā the unheñ kyā balā huī

    maujūd aa ke vasl meñ bhī lo hayā huī

    ik jaan azaab huī sharm kyā huī

    gaalī bhī pyāre muñh se tire ḳhush-numā huī

    be-jā bhī baat tuune kahī to bajā huī

    hai baḳhshne na baḳhshne meñ us ko iḳhtiyār

    hai gunāhgār kahe ḳhatā huī

    baiThe hue kaleje meñ lete ho chuTkiyāñ

    ai jaan dil lagāne achchhī sazā huī

    kahtā hai un se ā.īna sub.h-e-shab-e-visāl

    hai hai ye rāt-bhar meñ tirī shakl kyā huī

    ġhamze se apne bole vo kushtoñ ko dekh kar

    lo mirī galī na huī karbalā huī

    rahm aa gayā karīm ko muhtāj dekh kar

    hājat us ġharīb hājat-ravā huī

    ab aañkh kyā milā.egī mastoñ se duḳht-e-raz

    qaazī ke ghar meñ paḌ ke baḌī pārsā huī

    kyā kyā libās shān-e-karam ke haiñ dekhnā

    ḳhāk-e-shifā huī kahīñ āb-e-baqā huī

    ik 'umr ho ga.ī shab-e-furqat ko mere ghar

    ab bhī jo ibtidā hai to bas intihā huī

    dekhā nigāh-e-garm se aaj us ne ġhair ko

    maqbūl kis jale hue dil duā huī

    hai vasl meñ to hijr se bhī baḌh ke iztirāb

    taḌpāne meñ to dard se duunī davā huī

    ma.ashūq sabza-rañg thī jab tak thī sabz-posh

    qātil libās-e-surḳh pahan kar hinā huī

    shikvā kiyā jafā to bole ki nā-sipās

    merī jafā se to numūd-e-vafā huī

    ḳhvāb rañg hosh yakāyak sab uḌ ga.e

    roz-e-firāq tez kuchh aisī havā huī

    āñkhoñ ke aage aake khaḌī ho ga.ī vo shakl

    dam-bhar jahāñ palak se palak āshnā huī

    hai chiiz ek adā-o-qazā is qadar hai farq

    sīdhī nazar adā huī tirchhī qazā huī

    ā.īna āshiqoñ se sivā hai sitam nasīb

    pahle isī ġharīb pe mashq-e-adā huī

    maqtal ko vo chale to haTāne ko bhiiḌ bhaaḌ

    teġh-e-nigāh khīñch ke aa.e adā huī

    ā.īne ne javāb diyā baat baat

    lo aaj to khulī khulī ai dilrubā huī

    ghabrā rahe ho hashr meñ kyuuñ is qadar 'amīr'

    itnī to baat hai kah do ḳhatā huī

    pahle nigah phir meri dushman haya hui

    wo ek thi ye dusri ai dilruba hui

    laTkae kyun gae hain ye kaisi saza hui

    gesu to KHud bala the unhen kya bala hui

    maujud aa ke wasl mein bhi lo haya hui

    ek jaan ka azab hui sharm kya hui

    gali bhi pyare munh se tere KHush-numa hui

    be-ja bhi baat tune kahi to baja hui

    hai baKHshne na baKHshne mein us ko iKHtiyar

    tu hai gunahgar kahe ja KHata hui

    baiThe hue kaleje mein lete ho chuTkiyan

    ai jaan dil lagane ki achchhi saza hui

    kahta hai un se aaina subh-e-shab-e-visal

    hai hai ye raat-bhar mein teri shakl kya hui

    ghamze se apne bole wo kushton ko dekh kar

    lo ji meri gali na hui karbala hui

    rahm aa gaya karim ko muhtaj dekh kar

    hajat hi us gharib ki hajat-rawa hui

    ab aankh kya milaegi maston se duKHt-e-raz

    qazi ke ghar mein paD ke baDi parsa hui

    kya kya libas shan-e-karam ke hain dekhna

    KHak-e-shifa hui kahin aab-e-baqa hui

    ek 'umr ho gai shab-e-furqat ko mere ghar

    ab bhi jo ibtida hai to bas intiha hui

    dekha nigah-e-garm se aaj us ne ghair ko

    maqbul kis jale hue dil ki dua hui

    hai wasl mein to hijr se bhi baDh ke iztirab

    taDpane mein to dard se duni dawa hui

    mashuq sabza-rang thi jab tak thi sabz-posh

    qatil libas-e-surKH pahan kar hina hui

    shikwa kiya jafa ka to bole ki na-sipas

    meri jafa hi se to numud-e-wafa hui

    ji KHwab rang hosh yakayak sab uD gae

    roz-e-firaq tez kuchh aisi hawa hui

    aankhon ke aage aake khaDi ho gai wo shakl

    dam-bhar jahan palak se palak aashna hui

    hai chiz ek ada-o-qaza is qadar hai farq

    sidhi nazar ada hui tirchhi qaza hui

    aaina aashiqon se siwa hai sitam nasib

    pahle isi gharib pe mashq-e-ada hui

    maqtal ko wo chale to haTane ko bhiD bhaD

    tegh-e-nigah khinch ke aae ada hui

    aaine ne jawab diya baat baat ka

    lo aaj to khuli khuli ai dilruba hui

    ghabra rahe ho hashr mein kyun is qadar 'amir'

    itni hi si to baat hai kah do KHata hui

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now