نہیں مجھے معلوم ہوں کون کیا ہوں

نہیں مجھے معلوم ہوں کون کیا ہوں

کہاں میری منزل کسے ڈھونڈھتا ہوں

تجسس ترا مجھ کو راہوں پہ لایا

الجھ کر کے راہوں میں خود کھو گیا ہوں

میرے بابا آدم میری امی حوا

کہاں تھا کہاں سے کہاں آ گیا ہوں

مجھے دو جہاں میں غرض ہے تو تم سے

تمہیں جانتا ہوں تمہیں مانتا ہوں

منافق مجھے کہہ رہے ہیں یہ کافر

خدا کا نہیں منکر نا خدا ہوں

میں یہ سوچتا ہوں کہ ہوں سب سے اچھا

مگر یہ بھی سچ ہے کہ سب سے برا ہوں

چڑھا مجھ پہ طہٰؔ یہ کیسا نشہ ہے

کسی کے تصور میں نغمہ سرا ہوں