دب گیا زیر زمیں تو کچھ چنا دیوار میں

دب گیا زیر زمیں تو کچھ چنا دیوار میں

مجھ سے پہلے کیا ہوا کیا نا ہوا سنسار میں

خوبروئی آپ کی بس نام کی بے کام کی

ایک بھی خوبی نہیں ہے آپ کے کردار میں

دل لگانا چھوڑ دے اب کام کا کچھ کام کر

کب تلک الجھا رہے گا زلف میں رخسار میں

رنگ لائی حضرت موسیٰ کی خواہش اس طرح

تور سارا جل گیا اک حسرت دیدار میں

کیوں کہیں گے لوگ طہٰؔ مرحبا صد مرحبا

دم نہیں تیری زباں میں دم نہیں اشعار میں