Font by Mehr Nastaliq Web

ہن میں لکھیا سوہنا یار

بلہے  شاہ

ہن میں لکھیا سوہنا یار

بلہے شاہ

جدوں احد اک اکلا سی نہ ظاہر کوئی تجلیٰ سی

نہ رب رسول نہ اللہ سی نہ سی جبار تے نہ قہار

بے چون و بے چگونہ سی بے شبہ تے بے نمونہ سی

نہ کوئی رنگ نہ نمونہ سی ہن ہویا گونا گون ہزار

پیارا پہن پوشاکاں آیا آدم اپنا نام دھرایا

احد توں بن احمد آید نبیاں دا سردار

کن کہیا فیکون کمایا بے چونی سے چون بنایا

احد دے وچ میم رلایا تاں کتیا ایڈ پسار

ہن میں لکھیا سوہنا یار جس دے حسن دا گرم بزار

پیر پیغمبر اس دے بر دے انس ملائک سجدے کر دے

سر قدماں دے اتے دھر دے سب توں وڈی اوہ سرکار

تجوں مسیت تجوں بت خانہ برتی رہاں نہ روزہ جاناں

بھل گیاوضو نماز دوگانہ میں پرجان کراں بلہارا

جو کوئی اس نوں لکھیا چاہے باجھ وسیلے نہ لکھیا جائے

شاہ عنایتؔ بھیت بتائے تاں کھلے سب اسرار

ہن میں لکھیا سوہنا یار جس دے حسن دا گرم بزار

مأخذ :
  • کتاب : کلام حضرت بابا بلہے شاہ (Pg. 102)
  • Author : بلہے شاہ
  • مطبع : کرماں والا شاپ، پاکستان (2009)

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
بولیے