مہرباں ہو کر وہ شوخ پر عتاب آنے کو ہے

مہرباں ہو کر وہ شوخ پر عتاب آنے کو ہے

بن کے تارہ آنکھ کا آج آفتاب آنے کو ہے

آج کوٹھے پر وہ مست پر شباب آنے کو ہے

اوج چرخ دلبری پر ماہتاب آنے کو ہے

پھر زیادہ شیخ پر ذکر شراب آنے کو ہے

داغ دینے کے لیے سیخ کباب آنے کو ہے

کیا تماشہ ہے کہ دریا تک ہے محو چشم یاد

ساغر جمشید بن کر ہر حجاب آنے کو ہے

کس قیامت کا ہے کل بیکل کو تیرے سامنا

دل کی کل جانے کو ہے جان پر عذاب آنے کو ہے

کس سے دوں تشبیہ میں اس کے پر نور کو

تکیہ زانوں کی خاطر آفتاب آنے کو ہے

پھر خرابات آشناؤں کی خرابی آئے گی

مے کدہ میں جان ہر خانہ خراب آنے کو ہے

حد سے گذری انتظاری دور کر ساقی گزک

دل جلا جاتا ہے یہ سن کر کباب آنے کو ہے

عمر ہی ان کی ہے کیا آزادؔ کیا جانیں وہ ظلم

ہے ابھی سن ان کا شباب آنے کو ہے