گندم کو کھا کے رضواںؔ ہیں ایسے حال میں ہم

گندم کو کھا کے رضواںؔ ہیں ایسے حال میں ہم

پہلے عروج پر تھے اب ہیں زوال میں ہم

دونوں کے دو گھروں میں دونوں کا ہے ٹھکانہ

بیت الحرام میں تم بیت الحلال میں ہم

زاہد میں اور ہم میں ہے فرق صرف اتنا

وہ غیرت میں گم ہے اپنے خیال میں ہم

روحوں کی ماں کہاں ہے اور اس کا نام کیا ہے

مدت سے غوطہ زن ہیں ایسے سوال میں ہم

کہتے ہیں خود پرستی ہے خود خدا پرستی

یہ شغل ہے ہمارا ہیں مست حال میں ہم

میکش بنے تو خود کی کرنے لگے تلاوت

رہتے ہیں رات اور دن اپنے وصال میں ہم

ہم اپنی آپ بیتی کس کو سنائیں رضواںؔ

کیا پائے کیا نہ پائے چالیس سال میں ہم