فیض نسبت سے تری میں نے بڑا پایا ہے

فیض نسبت سے تری میں نے بڑا پایا ہے

میرے دامن میں ترے عشق کا سرمایا ہے

اب نہ جاؤں گا کہیں اٹھ کے میں تیرے در سے

کھینچ کر تیرا کرم مجھ کو یہاں لایا ہے

کس طرح جان وفا میں ترا دامن چھوڑوں

میں نے دل دے کے مری جان تجھے پایا ہے

کیوں نہ اس بندہ نوازی پہ فدا ہو جاؤں

میں جہاں ہوں مری ہستی پہ ترا سایا ہے

میرے بھی خانۂ ویراں کو تجلی دے دے

تیرے جلووں نے تو کونین کو چمکایا ہے

منزل دل سے مجھے دیر و حرم تک اے دوست

تیرا ہی جلوہ بہ ہر گام نظر آیا ہے

اپنی ہستی پہ گماں یار کا ہوتا ہے فناؔ

جذبۂ عشق مجھے آج کہاں لایا ہے