بہت ہی بے وفا نکلے بہت ہی پر جفا نکلے

بہت ہی بے وفا نکلے بہت ہی پر جفا نکلے

سمجھ رکھا تھا ہم نے تم کو کیا افسوس کیا نکلے

تڑپتا کیوں ہے اے دل کاش تیرا مدعا نکلے

کہ وقت نزع تجھ کو دیکھنے شاید وہ آ نکلے

میری آنکھوں سے تو ہی دیکھ آنا اس پری وش کو

جو کوئے یار سے پھرتی ہوئی باد صبا نکلے

تیرے وابستۂ دیدار کو دیدار کو حسرت نہ رہ جائے

قیامت میں الٰہی کچھ نہ کچھ میری خطا نکلے

یوں ہی وہ روز وفا پر تجھے ٹالیں گے اے نادرؔ

یہ ممکن ہی نہیں کوئی جو تیرا مدعا نکلے