اپنی چوکھٹ پہ کبھی مجھ کو بلانا یا غوث

اپنی چوکھٹ پہ کبھی مجھ کو بلانا یا غوث

تیرا روضہ جو حسیں تر ہے دکھانا یا غوث

جب مصیبت میں کروں آپ سے فریاد کبھی

اس گھڑی آ کے مصیبت سے بچانا یا غوث

تیری راہوں میں بچھا دوں گا نگاہیں اپنی

میرے گھر پر جو ہوا آپ کا آنا یا غوث

نامہ اعمال کا جب میرا کھلے محشر میں

اس گھڑی اپنے ہی دامن میں چھپانا یا غوث

کیوں بھلا جاؤں میں اغیار کی چوکھٹ پہ کبھی

جب ترے در سے ہی ملتا ہے خزانہ یا غوث

جب غلامی میں لیا ہے تو سلامت رکھنا

ہاتھ پکڑا ہے تو تا حشر نبھانا یا غوث

میرے گھر آئے پریشانی مصیبت جو کبھی

میری امداد کو اس وقت تو آنا یا غوث

جتنے عشاق زمانے میں ہیں موجود ترے

خلد محشر میں انہیں رب سے دلانا یا غوث

ایک مدت سے تمنا ہے یہ عنبرؔ کی شہا

شہر بغداد کبھی اس کو دکھانا یا غوث