مکمل صبر کی تصویر ہونا
مکمل صبر کی تصویر ہونا
نہیں ممکن کبھی شبیر ہونا
جو نذرانہ انہیں اشکوں کا بھیجے
اسے دشوار ہے دلگیر ہونا
مبارک باد خاک کربلا کو
ترا یوں خاک سے اکسیر ہونا
جو پہنچا تھا میں دشت کربلا کو
تھی میرے خواب کی تعبیر ہونا
تمہیں کو زیب اے نور نبی ہے
سراپا نور کی تنویر ہونا
تمہیں الله نے تفضیل بخشی
نہیں ممکن تری تصغیر ہونا
مقدر تھا نبی زادوں کے حق میں
ازل سے صاحب تطہیر ہونا
پڑھے جاؤ اگر ناد علی تم
ہے نا ممکن ترا درگیر ہونا
محاذ عشق یعنی کربلا کی
نہیں ممکن کہیں تفسیر ہونا
حسین پاک کے قدموں کے باعث
اس عرض ناز کی تشہیر ہونا
گل تازہ کی اک خندہ لبی سے
لعیں کا قابل تعزیر ہونا
ترے انصار کا رب کی رضا پر
غضب تھا یوں تہ شمشیر ہونا
تمہارے اہل خانہ پر ستم تھا
یوں سب کا حلقۂ زنجیر ہونا
ہے سر پر سایۂ الطاف وارث
ہے نا ممکن مرا تسخیر ہونا
اثرؔ ماتھے لگی ہے خاک کربل
مبارک صاحب تاثیر ہونا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
