عاشق یارم مرا با کفر و با ایماں چہ کار

میں تو یار کا عاشق ہوں، مجھے کفر، اور ایمان سے کیا کام؟

میں درد کا پیاسا ہوں، مجھے وصل،اور ہجر سے کیا کام؟

میں عشق کا مقتول ہوں، مجھے زمانہ کے کوتوال کا کیا غم؟

میں ننگا مفلس ہوں، میرا دفتر والوں سے کیا کام؟

میرا قبلہ، اور محراب بس دلدار کی ابرو ہے

اس دیوانہ دل کو اِس، اور اُس سے کیا کام؟

تو مردوں کی صورت کیا چاہتا ہے، مردوں کی عادت اختیار کر

عاشق پیشہ انسان کو، محل کی تصویر سے کیا کام؟

چوں کہ دونوں جہانوں میں، مجھے یار چاہیے

بہشت اور دوزخ اور حور، اور غلمان سے کیا کام؟

جو عشق کے راستہ میں، اپنے وجود ہی سے جدا ہو گیا

اس کو درد اور غم سے کیا واقفیت، اور علاج سے کیا کام؟

اے حافظ اگر تو عاشق اور مست ہے دوبارہ کہہ

میں یار کا عاشق ہوں، مجھے کفر اور ایمان سے کیا کام؟