گر کون و مکاں مظہر نیرنگ نہ ہوتا

گر کون و مکاں مظہر نیرنگ نہ ہوتا

ہر آن میں اس کا یہ نیا ڈھنگ نہ ہوتا

ہوتا نہ اگر اس کے تماشے میں تحیر

حیرت سے میں آئینۂ نمط دنگ نہ ہوتا

گر شان پیمبر کی ابوجہل پہ کھلتی

اسلام کے لانے میں اسے ننگ نہ ہوتا

اسرار حقیقت کے خریدار جو ہوتے

ہفتاد و دو ملت میں کبھی جنگ نہ ہوتا

امکان سے باہر ہے تیرے کنبہ کا پایہ

ورنہ دل آگاہ میرا تنگ نہ ہوتا

گر پردۂ غفلت کو تو ہم سے نہ اٹھاتا

اے عشق نیازؔ آگے تیرے سنگ نہ ہوتا