جنت سے دور_دور تلک واسطہ نہیں

جنت سے دور دور تلک واسطہ نہیں

جس کا علی کے گھر سے کوئی رابطہ نہیں

پانی کو ساری دنیا تڑپ جاتی تا ابد

کہیے مرے حسین نے کاسہ بھرا نہیں

اس فخر کائنات کا بیٹا حسین ہے

جس کی حکومتوں کا کوئی دائرہ نہیں

دیں کے لبوں پہ آج تبسم ہے اس کی دین

جو کربلا کے باد کبھی بھی ہنسا نہیں

اترے گا اب تو بعد شہادت ہی دیکھنا

توحید کا نشہ ہے یہ مے کا نشہ نہیں

اس کے بھی کام آتا ہے عابد تمہارا نام

جس مرض لا علاج کی کوئی دوا نہیں

اظہارؔ ہیں حسین ہی سردار خلد کے

میرا رسول جھوٹ کبھی بولتا نہیں