مالک_و_مختار پر لاکھوں سلام

مالک و مختار پر لاکھوں سلام

یعنی شہر یار پر لاکھوں سلام

اے شہنشاہ مدینہ آپ کے

والضحا رخسار پر لاکھوں سلام

پہلی آیت جس جگہ نازل ہوئی

اس مقدس غار پر لاکھوں سلام

حکم آقا پر عمل جس نے کیا

اس حسیں اقرار پر لاکھوں سلام

باغ زہرا کے کلی حسن و حسین

اس گل گلزار پر لاکھوں سلام

سر سے دوپٹہ کبھی کھسکا نہیں

فاطمی کردار پر لاکھوں سلام

مس ہے جس سے مصطفیٰ کا جسم پاک

ارض پر انوار پر لاکھوں سلام

حیدر و صدیق و عثمان و عمر

شہہ کے چاروں یار پر لاکھوں سلام

بھیجتا ہوں ہر گھڑی ہر وقت میں

رحمت غفار پر لاکھوں سلام

کرتے ہیں بے بس کی جو ہر دم مدد

میرے اس غم خوار پر لاکھوں سلام

دل سے پڑھتا ہے درود پاک جو

ان کے اس اظہار پر لاکھوں سلام

جس نے سنبھالا نبی کے دین کو

عابد بیمار پر لاکھوں سلام

مذہب اسلام کے بانی ہیں جو

ان کے ہر معیار پر لاکھوں سلام

ہیں صحابہ جتنے بھی سرکار کے

سب کے سب دل دار پر لاکھوں سلام

بھیجتا ہے عنبرؔ خستہ سدا

دین کے سردار پر لاکھوں سلام