maine ahwal-e-dil jab bayan kar diya aur bhi zulm hum pe wo Dhane lage

maiñ ne ahvāl-e-dil jab bayāñ kar diyā aur bhī zulm ham pe vo Dhāne lage

aaj kyā ho gayā hai unheñ dostoñ dekh kar ham ko vo muskurāne lage

un se ab kyā tavaqqo' rakheñ ham bhalā haaye zulm-o-sitam dekhiye to zarā

hijr kī raat kī baat jab-jab kahī baat ko mere fauran ghumāne lage

aap ḳhud sochiye merī kyā thī ḳhatā mere jazbāt kā ḳhuun kyuuñ kar diyā

aap ne jo hañsī meñ uḌaa.ī hai vo baat kahne meñ ham ko zamāne lage

aap to jaa.eñ masjid kī jānib miyāñ mai-kada hai ye masjid nahīñ aap kā

aap to aap haiñ aap ko kyā kaheñ aap kaise udhar aane jaane lage

un ke chehre kī rañgat uḌā dekh kar maiñ ne pūchhā kahāñ the batā.eñ zarā

baat pakḌī na jaa.e kahīñ is liye baat fauran vo apnī ghumāne lage

dil lagāne kī 'āmir' milī ye sazā be-qarārī junūñ vahshateñ furqateñ

aap se 'ishq karne kā anjām hai ghar mire ġham ke ye kār-ḳhāne lage

main ne ahwal-e-dil jab bayan kar diya aur bhi zulm hum pe wo Dhane lage

aaj kya ho gaya hai unhen doston dekh kar hum ko wo muskurane lage

un se ab kya tawaqqo' rakhen hum bhala haye zulm-o-sitam dekhiye to zara

hijr ki raat ki baat jab-jab kahi baat ko mere fauran ghumane lage

aap KHud sochiye meri kya thi KHata mere jazbaat ka KHun kyun kar diya

aap ne jo hansi mein uDai hai wo baat kahne mein hum ko zamane lage

aap to jaen masjid ki jaanib miyan mai-kada hai ye masjid nahin aap ka

aap to aap hain aap ko kya kahen aap kaise udhar aane jaane lage

un ke chehre ki rangat uDa dekh kar main ne puchha kahan the bataen zara

baat pakDi na jae kahin is liye baat fauran wo apni ghumane lage

dil lagane ki 'amir' mili ye saza be-qarari junun wahshaten furqaten

aap se 'ishq karne ka anjam hai ghar mere gham ke ye kar-KHane lage