Font by Mehr Nastaliq Web
Sufinama

dekhte hi dekhte din gae bahaar ke

Nushur Wahidi

dekhte hi dekhte din gae bahaar ke

Nushur Wahidi

dekhte dekhte din ga.e bahār ke

fasl-e-gul bhī kis qadar tez-tar guzar ga.ī

zindagī qarīb hai kis qadar jamāl se

jab koī sañvar gayā zindagī sañvar ga.ī

dilsitāniyāñ baḌhīñ naujavāniyāñ chaḌhīñ

zarra zarra zindagī phuuT kar ubhar ga.ī

din badal ga.e magar ġham badal sakā nahīñ

dil rahā dil hazīñ chashm chashm-e-tar ga.ī

kyā ḳhabar 'nashvar' thī manzil-e-shabāb

phuul le liyā magar nok-e-ḳhār utar ga.ī

shauq thā shabāb husn par nazar ga.ī

luT ke tab ḳhabar huī zindagī kidhar ga.ī

bārgāh-e-husn meñ jab kabhī nazar ga.ī

ruk ga.ī sambhal ga.ī tham ga.ī Thahar ga.ī

dekhte dekhte ā.ga.īñ javāniyāñ

ras bhare shabāb meñ zulf tā-kamar ga.ī

nuqta-e-nigāh se mahshar-e-ḳhayāl tak

kal tirī ye kā.enāt aarzū se bhar ga.ī

kyuuñ sakoñ nasīb haiñ hijar darāziyāñ

jaise pyaas bujh ga.ī jaise bhuuk mar ga.ī

dekhte hi dekhte din gae bahaar ke

fasl-e-gul bhi kis qadar tez-tar guzar gai

zindagi qarib hai kis qadar jamal se

jab koi sanwar gaya zindagi sanwar gai

dilsitaniyan baDhin naujawaniyan chaDhin

zarra zarra zindagi phuT kar ubhar gai

din badal gae magar gham badal saka nahin

dil raha dil hazin chashm chashm-e-tar gai

kya KHabar 'nashwar' thi manzil-e-shabab ki

phul le liya magar nok-e-KHar utar gai

shauq tha shabab ka husn par nazar gai

luT ke tab KHabar hui zindagi kidhar gai

bargah-e-husn mein jab kabhi nazar gai

ruk gai sambhal gai tham gai Thahar gai

dekhte hi dekhte aagain jawaniyan

ras bhare shabab mein zulf ta-kamar gai

nuqta-e-nigah se mahshar-e-KHayal tak

kal teri ye kaenat aarzu se bhar gai

kyun sakon nasib hain hijar ki daraaziyan

jaise pyas bujh gai jaise bhuk mar gai

Source :
  • Book : Tazkira-e-shora-e-Uttar Pradesh Voll.18 (Pg. 310)
  • Author : Irfan Abbasi
0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Speak Now