Sufinama

meri hasti ka mujhe wahm tha koi parda uske siwa na tha

Ghausi Shah

meri hasti ka mujhe wahm tha koi parda uske siwa na tha

Ghausi Shah

MORE BYGhausi Shah

    mirī hastī mujhe vahm thā koī parda us ke sivā na thā

    mirā yaar thā mere saath go maiñ ḳhudā na thā vo judā na thā

    mirī yaar se ye buud thī mujhe yaar se namūd thī

    vahī jalva-gar thā vajūd meñ kisī dūsre pata na thā

    maiñ ġharīq-e-bahr-e-vajūd thā mujhe us se is shuhūd thā

    magar apnī hastī ke vahm se maiñ judā thā us se milā na thā

    mujhe khoyā mirī ḳhudī ne ḳhud mujhe maarā mire vahm ne

    vo chhupā huā thā mujhī meñ magar is tarah ke chhupā na thā

    maiñ unhī āñkhoñ meñ rahtā thā mirī āñkhoñ meñ vo samā.e the

    nahīñ vo vahī un meñ samā.e the kahūñ kyā ke kyā thā maiñ kyā na thā

    mirā tan nahīñ mirā dil hai ye mirā dil nahīñ mirī jaañ hai ye

    mirī jaañ nahīñ koī aur hai mujhe us raaz khulā na thā

    kahā maiñ ne paas rah ke tum rahe duur itnā to yuuñ kahā

    mirā hai ab to tirā huuñ maiñ mirā na thā maiñ tirā na thā

    maiñ thā apne banñe se pahle vaañ ke na pahuñche aql-o-gumāñ jahāñ

    thā kisī ke ilm meñ maiñ magar ye thā rahnā goyā ke thā na thā

    maiñ vahī huuñ 'ġhausī'-e-be-nishāñ ki vo bā-nishāñ hai mirā nishāñ

    vo milā to ḳhud pata chalā mirā mujh ko ḳhud pata na thā

    meri hasti ka mujhe wahm tha koi parda us ke siwa na tha

    mera yar tha mere sath go main KHuda na tha wo juda na tha

    meri yar hi se ye bud thi mujhe yar hi se namud thi

    wahi jalwa-gar tha wajud mein kisi dusre ka pata na tha

    main ghariq-e-bahr-e-wajud tha mujhe us se is ka shuhud tha

    magar apni hasti ke wahm se main juda tha us se mila na tha

    mujhe khoya meri KHudi ne KHud mujhe mara mere hi wahm ne

    wo chhupa hua tha mujhi mein hi magar is tarah ke chhupa na tha

    main unhi ki aankhon mein rahta tha meri aankhon mein wo samae the

    nahin wo wahi un mein samae the kahun kya ke kya tha main kya na tha

    mera tan nahin mera dil hai ye mera dil nahin meri jaan hai ye

    meri jaan nahin koi aur hai mujhe us ka raaz khula na tha

    kaha main ne pas hi rah ke tum rahe dur itna to yun kaha

    tu mera hai ab to tera hun main tu mera na tha main tera na tha

    main tha apne banne se pahle wan ke na pahunche aql-o-guman jahan

    tha kisi ke ilm mein main magar ye tha rahna goya ke tha na tha

    main wahi hun 'ghausi'-e-be-nishan ki wo ba-nishan hai mera nishan

    wo mila to KHud ka pata chala mera mujh ko KHud hi pata na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now