ishq ke rang mein rang jaen jab afkar to khulte hain ghulamon pe wo asrar ki rahte hain wo tausif-o-sana-e-shah-e-abrar mein har lahza guhar-bar

'ishq ke rañg meñ rañg jaa.eñ jab afkār to khulte haiñ ġhulāmoñ pe vo asrār ki rahte haiñ vo tausīf-o-sanā-e-shah-e-abrār meñ har lahza guhar-bār

varna vo sayyad-e-'ālī-nasabī haañ vahī ummī-laqabī hāshmī-o-muttalabī-o-'arabī-o-qurshī-o-madanī aur kahāñ ham se gunahgār

aarzū ye hai ki ho qalb mu'attar-o-mutahhar-o-munavvar-o-mujalla-o-musaffā dar-e-'ālā jo nazar aa.eñ kahīñ jalva-e-rū-e-shah-e-abrār

jin ke qadmoñ kī chamak chāñd sitāroñ meñ nazar aa.e jidhar se vo guzar jaa.e vahī raah chamak jaa.e damak jaa.e mahak jaa.e bane raunaq-e-gulzār

sūñgh luuñ kHushbu-e-gesū-e-mohammad vo siyah zulf nahīñ jis ke muqābil ye banafsha ye sīvtī ye chambelī ye gul-e-lāla-o-champā kā nikhār

jis kī nik.hat pe haiñ qurbān gul-o-barg-o-saman nāfa-e-āhū-e-kHutan bād-e-chaman bu-e-chaman nāz-e-chaman nūr-e-chaman rañg-e-chaman saarā chaman-zār

ye tamannā ki sunūñ maiñ bhī vo āvāz-e-shah-e-jinn-o-bashar haq kī ḳhabar kHush-tar-o-shīrīñ za-shakar husn-e-fasāhat kā guhar nutq kare naaz suḳhan par

vo dil ārām sadā nām-e-ḳhudā jis pe fidā ġhuncha-dahan tūtī-e-sad rashk-e-chaman naġhma-e-bulbul za-gulistān-e-'adan misr-o-yaman jis ke ḳharīdār

ik shahanshāh ne baḳhshe jo samarqand-o-buḳhārā kisī mahbūb ke ruḳhsār ke til par magar ai sayyad-e-'ālam terī nāmūs terī 'azmat par

ai rasūl-e-madanī ek nahīñ lākhoñ haiñ qurbān gah-e-'ishq ke har kūcha-e-bāzār meñ sar apnā hathelī pe liye phirte haiñ karne ko nisār

baḳhsh dete haiñ shahanshāh-e-samarqand-o-bukHārā kisī mahbūb ke ruḳhsār ke til par magar ai ḳhalq ke rahbar ai mere mehr-e-munavvar

maiñ karūñ tujh pe tasadduq dam-e-'īsā yad-e-baizā dar-o-dīvār-e-harm kā'ba-e-dil un se baḌī koī nahīñ shai mere paas merī chashm-e-guhar-bār

aap ke zikr meñ haiñ naġhma-sarā saare hudī-kHvān-e-'rab naġhma-nigārān-e-'ajam shaukat-e-alfāz-e-adab 'azmat-e-qirtās-o-qalam bād-e-sabā mauj-e-nasīm

dahan-e-bulbul-e-shīrīñ lahan-e-qumrī-o-tūtī shab-e-mahtāb sitāre malak-o-hūr-o-jināñ jin kī navāoñ meñ durūdoñ kā hisār

varafa'nā-laka-zikrak kī is ik āyat-e-tausīf kī tausīf meñ tafsīr meñ tashrīh meñ tauzīh meñ tazmīn meñ har 'ahd kī shāmil hai zabān

lab-e-hassān-o-ravāha-o-lab-e-fātima-zahrā-o-'alī 'ābid-e-bīmār-o-busīrī dahan-e-'urfī-o-jāmī lab-e-sā'dī-o-razā sab sarshār

'ishq ke rañg meñ rañg jaa.eñ muhājir ho ki pakHtūn-o-ballūchī ho ki panjābī-o-sindhī kisī ḳhitte kī qabīle kī zabāñ us se nahīñ koī sarokār

jāma-e-'ishq-e-mohammad jo pahan letā hai har kHaar ko vo phuul banā letā hai duniyā ko jhukā letā hai karatā hai zamāne ko mohabbat kā shikār

ye muhājir kī hai saf aur ye punjabi kī pakHtūn kī sindhī kī balūchī kī judā paḌh ke dikhāo to kisī shahar kī masjid meñ kabhī aisī namāz

haram-e-kā'ba meñ 'arfāt ke maidān meñ yā rauza-e-sarkār pe kyuuñ shāne milāte vahāñ karte nahīñ rañg kā aur nasl kā tum apnī shumār

aisā mahbūb diyā haq ne tumheñ sall-e-'alā jis kā mumāsil na muqābil ki laqab jis ko harīsun kā diyā itnā kiyā jis ne gunahgāroñ se pyaar

ai ḳhudā ai shah-e-kaunain ke rab lafz-e-harīsun ke sabab ek hoñ sab vo 'ajamī hoñ ki 'arab taaki mile ummat-e-marhūm ko phir khoyā vaqār

yā nabī aap kā ye adnā sanā-ḳhvāñ dar-e-rahmat kā gadā detā hai dar-dar ye sadā chāhtā hai aap se chāhat kā sila apnī zabāñ meñ tāsīr

sun ke sab ahl-e-chaman us kā suḳhan un ko bhī aa jaa.e hayā sar ho nadāmat se jhukā aur nazar dekhe vo aslāf kī ulfat kā nazārā ek baar

ai 'adīb' ab yuñhī alfāz ke ambār se ham khelte rah jā.eñge magar haqq-e-sanā-goī adā phir bhī na kar paa.eñ ye jazbāt-o-zabān-o-qalam-o-fikr-o-kHayāl

un kī mid.hat to malā.ik kā vazīfa hai sahāba kā tarīqa hai 'ibādat kā salīqa hai ye ḳhāliq kā pasandīda hai qur.ān kā hai is meñ shi.ār

'ishq ke rang mein rang jaen jab afkar to khulte hain ghulamon pe wo asrar ki rahte hain wo tausif-o-sana-e-shah-e-abrar mein har lahza guhar-bar

warna wo sayyad-e-'ali-nasabi han wahi ummi-laqabi hashmi-o-muttalabi-o-'arabi-o-qurshi-o-madani aur kahan hum se gunahgar

aarzu ye hai ki ho qalb mu'attar-o-mutahhar-o-munawwar-o-mujalla-o-musaffa dar-e-'ala jo nazar aaen kahin jalwa-e-ru-e-shah-e-abrar

jin ke qadmon ki chamak chand sitaron mein nazar aae jidhar se wo guzar jae wahi rah chamak jae damak jae mahak jae bane raunaq-e-gulzar

sungh lun kHushbu-e-gesu-e-mohammad wo siyah zulf nahin jis ke muqabil ye banafsha ye siwti ye chambeli ye gul-e-lala-o-champa ka nikhaar

jis ki nikhat pe hain qurban gul-o-barg-o-saman nafa-e-ahu-e-kHutan baad-e-chaman bu-e-chaman naz-e-chaman nur-e-chaman rang-e-chaman sara chaman-zar

ye tamanna ki sunun main bhi wo aawaz-e-shah-e-jinn-o-bashar haq ki KHabar kHush-tar-o-shirin za-shakar husn-e-fasahat ka guhar nutq kare naz suKHan par

wo dil aaram sada nam-e-KHuda jis pe fida ghuncha-dahan tuti-e-sad rashk-e-chaman naghma-e-bulbul za-gulistan-e-'adan misr-o-yaman jis ke KHaridar

ek shahanshah ne baKHshe jo samarqand-o-buKHara kisi mahbub ke ruKHsar ke til par magar ai sayyad-e-'alam teri namus teri 'azmat par

ai rasul-e-madani ek nahin lakhon hain qurban gah-e-'ishq ke har kucha-e-bazar mein sar apna hatheli pe liye phirte hain karne ko nisar

baKHsh dete hain shahanshah-e-samarqand-o-bukHara kisi mahbub ke ruKHsar ke til par magar ai KHalq ke rahbar ai mere mehr-e-munawwar

main karun tujh pe tasadduq dam-e-'isa yad-e-baiza dar-o-diwar-e-harm ka'ba-e-dil un se baDi koi nahin shai mere pas meri chashm-e-guhar-bar

aap ke zikr mein hain naghma-sara sare hudi-kHwan-e-'rab naghma-nigaran-e-'ajam shaukat-e-alfaz-e-adab 'azmat-e-qirtas-o-qalam baad-e-saba mauj-e-nasim

dahan-e-bulbul-e-shirin lahan-e-qumri-o-tuti shab-e-mahtab sitare malak-o-hur-o-jinan jin ki nawaon mein durudon ka hisar

warafa'na-laka-zikrak ki is ek aayat-e-tausif ki tausif mein tafsir mein tashrih mein tauzih mein tazmin mein har 'ahd ki shamil hai zaban

lab-e-hassan-o-rawaha-o-lab-e-fatima-zahra-o-'ali 'abid-e-bimar-o-busiri dahan-e-'urfi-o-jami lab-e-sa'di-o-raza sab sarshaar

'ishq ke rang mein rang jaen muhajir ho ki pakHtun-o-balluchi ho ki panjabi-o-sindhi kisi KHitte ki qabile ki zaban us se nahin koi sarokar

jama-e-'ishq-e-mohammad jo pahan leta hai har kHar ko wo phul bana leta hai duniya ko jhuka leta hai karata hai zamane ko mohabbat ka shikar

ye muhajir ki hai saf aur ye punjabi ki pakHtun ki sindhi ki baluchi ki juda paDh ke dikhao to kisi shahar ki masjid mein kabhi aisi namaz

haram-e-ka'ba mein 'arfat ke maidan mein ya rauza-e-sarkar pe kyun shane milate wahan karte nahin rang ka aur nasl ka tum apni shumar

aisa mahbub diya haq ne tumhein sall-e-'ala jis ka mumasil na muqabil ki laqab jis ko harisun ka diya itna kiya jis ne gunahgaron se pyar

ai KHuda ai shah-e-kaunain ke rab lafz-e-harisun ke sabab ek hon sab wo 'ajami hon ki 'arab taki mile ummat-e-marhum ko phir khoya waqar

ya nabi aap ka ye adna sana-KHwan dar-e-rahmat ka gada deta hai dar-dar ye sada chahta hai aap se chahat ka sila apni zaban mein tasir

sun ke sab ahl-e-chaman us ka suKHan un ko bhi aa jae haya sar ho nadamat se jhuka aur nazar dekhe wo aslaf ki ulfat ka nazara ek bar

ai 'adib' ab yunhi alfaz ke ambar se hum khelte rah jaenge magar haqq-e-sana-goi ada phir bhi na kar paen ye jazbaat-o-zaban-o-qalam-o-fikr-o-kHayal

un ki midhat to malaik ka wazifa hai sahaba ka tariqa hai 'ibaadat ka saliqa hai ye KHaliq ka pasandida hai quran ka hai is mein shiar