chashm-e-kam mein waqif nerangi-e-fitrat nahin

chashm-e-kam meñ vāqif nerañgī-e-fitrat nahīñ

ek jalve kī farāvānī hai ye kasrat nahīñ

rū-ba-rū-e-dīda-e-’ibrat hai anjām-e-habāb

sar uThāne kī tah-e-charkH-e-barīñ himmat nahīñ

majma' azdād par hai inhisār-e-kā.ināt

sāne’-e-qudrat kā koī fe'l be-hikmat nahīñ

zarra-zarra jalva-e-tauhīd se mā'mūr hai

kaun sā shīsha hai jis meñ bāda-e-vahdat nahīñ

ahl-e-dil ko ġhaib se miltī hai daulat 'ishq kī

bul-havas ke haath jo aa.e ye vo daulat nahīñ

maiñ vafā se haath uThā.ūñ vo jafā se baaz aa.eñ

'ishq kī vo ḳhū nahīñ ye husn kī fitrat nahīñ

qadr-dān-e-jauhar-e-insāniyat huuñ 'barq' maiñ

merī nazroñ meñ matā’-e-dahr kī vaq'at nahīñ

chashm-e-kam mein waqif nerangi-e-fitrat nahin

ek jalwe ki farawani hai ye kasrat nahin

ru-ba-ru-e-dida-e-’ibrat hai anjam-e-habab

sar uThane ki tah-e-charkH-e-barin himmat nahin

majma' azdad par hai inhisar-e-kainat

sane’-e-qudrat ka koi fe'l be-hikmat nahin

zarra-zarra jalwa-e-tauhid se ma'mur hai

kaun sa shisha hai jis mein baada-e-wahdat nahin

ahl-e-dil ko ghaib se milti hai daulat 'ishq ki

bul-hawas ke hath jo aae ye wo daulat nahin

main wafa se hath uThaun wo jafa se baz aaen

'ishq ki wo KHu nahin ye husn ki fitrat nahin

qadr-dan-e-jauhar-e-insaniyat hun 'barq' main

meri nazron mein mata’-e-dahr ki waq'at nahin