jis waqt hujum-e-masti ho insan ka sambhalna mushkil hai

jis vaqt hujūm-e-mastī ho insāñ kā sambhalnā mushkil hai

uTh jaa.e jab un kī mast nazar phir hosh meñ rahnā mushkil hai

phūlūñ meñ yahāñ tāroñ meñ vahāñ ab husn tumhārā 'aam huā

tum laakh chhupe parde meñ magar jalvoñ kā chhupānā mushkil hai

maiñ shauq-e-ibādat le ke sanam uTThūñgā na terī chaukhaT se

hotā hai jo tere dar pe adā masjid meñ vo sajda mushkil hai

duniyā se alag 'uqbā se judā rahtā hai sadā rastā un kā

kis dhun meñ haiñ un ke dīvāne ye raaz samajhnā mushkil hai

ai husn-e-sanam ke shaidā.ī qismat meñ rahegī mahrūmī

jab tak na junūñ ho rāh-numā manzil pe pahuñchnā mushkil hai

chehre se haTā kar parde ko bas jaao mire dil meñ aa kar

nazroñ ke sahāre ai jānāñ dīdār tumhārā mushkil hai

gumrāh huī hai 'aql 'fanā' le aayā kahāñ ye shauq-e-talab

kal un kā samajhnā mushkil thā aaj apnā samajhnā mushkil hai

jis waqt hujum-e-masti ho insan ka sambhalna mushkil hai

uTh jae jab un ki mast nazar phir hosh mein rahna mushkil hai

phulun mein yahan taron mein wahan ab husn tumhaara 'am hua

tum lakh chhupe parde mein magar jalwon ka chhupana mushkil hai

main shauq-e-ibaadat le ke sanam uTThunga na teri chaukhaT se

hota hai jo tere dar pe ada masjid mein wo sajda mushkil hai

duniya se alag 'uqba se juda rahta hai sada rasta un ka

kis dhun mein hain un ke diwane ye raaz samajhnā mushkil hai

ai husn-e-sanam ke shaidai qismat mein rahegi mahrumi

jab tak na junun ho rah-numa manzil pe pahunchna mushkil hai

chehre se haTa kar parde ko bas jao mere dil mein aa kar

nazron ke sahaare ai jaanan didar tumhaara mushkil hai

gumrah hui hai 'aql 'fana' le aaya kahan ye shauq-e-talab

kal un ka samajhnā mushkil tha aaj apna samajhnā mushkil hai