nazar aate nahin mujhko nikalte hausle dil ke

nazar aate nahīñ mujh ko nikalte hausle dil ke

ilāhī ḳhair karnā kāñpte haiñ haath qātil ke

uThā deñ aap gar apne naqāb-e-rū-e-tābāñ ko

to ho jaa.eñ abhī phīke ye jalve māh-e-kāmil ke

ḳhudā ke vāste sūrat dikhā de ai but-e-qātil

nafas ab chand hī baaqī rahī haiñ terī maa.il ke

taḌap kar jaan denā ḳhush aayā barq ko shāyad

jo gir kar āsmāñ se paañv chūme tere bismil ke

maiñ pahle dil ko rotā thā chale ab dīn-o-īmāñ bhī

qayāmat ke haiñ sab andāz hairāñ mere qātil ke

nazar aate nahin mujh ko nikalte hausle dil ke

ilahi KHair karna kanpte hain hath qatil ke

uTha den aap gar apne naqab-e-ru-e-taban ko

to ho jaen abhi phike ye jalwe mah-e-kaamil ke

KHuda ke waste surat dikha de ai but-e-qatil

nafas ab chand hi baqi rahi hain teri mail ke

taDap kar jaan dena KHush aaya barq ko shayad

jo gir kar aasman se panw chume tere bismil ke

main pahle dil ko rota tha chale ab din-o-iman bhi

qayamat ke hain sab andaz hairan mere qatil ke