jise log kahte hain tirgi wahi shab hijab-e-sahar bhi hai

jise log kahte haiñ tīrgī vahī shab hijāb-e-sahar bhī hai

jinheñ be-ḳhudī fanā milī unheñ zindagī kī ḳhabar bhī hai

ye visāl-o-hijr kī bahs kyā ki 'ajīb chiiz hai 'ishq bhī

tujhe pā ke hai vahī dard-e-dil vahī rañg-e-zaḳhm-e-jigar bhī hai

dam-e-hashr-e-azal kī bhī yaad kar ye zabān kyā ye nigāh kyā

jo kisī se aaj na ho sakā vo savāl bār-e-digar bhī hai

tū makāñ zamāñ se guzar bhī jā tū rah-e-'adam ko bhī kaaT le

vo savāb ho ki 'azāb ho kahīñ zindagī se mafar bhī hai

na ġham savāb-o-'azāb se kabhī chheḌ fitrat-e-'ishq ko

jo azal se mast-nigāh hai use nek-o-bad kī ḳhabar bhī hai

tire ġham kī 'umr-e-drāz meñ ka.ī inqilāb hue magar

vahī tūl-e-sham-e'-'firāq' hai vahī intizār-e-sahar bhī hai

jise log kahte hain tirgi wahi shab hijab-e-sahar bhi hai

jinhen be-KHudi fana mili unhen zindagi ki KHabar bhi hai

ye visal-o-hijr ki bahs kya ki 'ajib chiz hai 'ishq bhi

tujhe pa ke hai wahi dard-e-dil wahi rang-e-zaKHm-e-jigar bhi hai

dam-e-hashr-e-azal ki bhi yaad kar ye zaban kya ye nigah kya

jo kisi se aaj na ho saka wo sawal bar-e-digar bhi hai

tu makan zaman se guzar bhi ja tu rah-e-'adam ko bhi kaT le

wo sawab ho ki 'azab ho kahin zindagi se mafar bhi hai

na gham sawab-o-'azab se kabhi chheD fitrat-e-'ishq ko

jo azal se mast-nigah hai use nek-o-bad ki KHabar bhi hai

tere gham ki 'umr-e-draaz mein kai inqilab hue magar

wahi tul-e-sham-e'-'firaq' hai wahi intizar-e-sahar bhi hai