Sufinama

kafir-e-ishq hun main banda-e-islam nahin

Shah Niyaz Ahmad Barelvi

kafir-e-ishq hun main banda-e-islam nahin

Shah Niyaz Ahmad Barelvi

MORE BYShah Niyaz Ahmad Barelvi

    kāfir-e-ishq huuñ maiñ banda-e-islām nahīñ

    but-parastī ke sivā aur mujhe kaam nahīñ

    ishq meñ pūjtā huuñ qibla-o-ka.aba apnā

    ek pal dil ko mire us ke bin ārām nahīñ

    DhūñDhtā hai kidhar yaar ko mere ai maah

    manzilash dar dil-e-mā hasat lab-e-bām nahīñ

    bul-havas ishq ko ḳhāna-e-ḳhālī mat buujh

    is āġhāz to āsān hai anjām nahīñ

    phāñsne ko dil-e-ushshāq ke ulfat bas hai

    gher lene ko ye tasḳhīr kam-az-dām nahīñ

    kaam ho jaa.e tamām us paḌe jis pe nigāh

    tishna-e-chashm ko phir hājat-e-samsām nahīñ

    abr hai jaam hai miinā hai mai-e-gul-gūñ hai

    hai sab asbāb-e-tarab sāqī-e-gulfām nahīñ

    hāye-re-hāye chalī jaatī hai ye fasl-e-bahār

    kyā karūñ bas nahīñ apnā vo sanam raam nahīñ

    jaan jaatī hai chalī dekh ke ye mausam-e-gul

    hijar-o-furqat mirī jaan ye gulfām nahīñ

    dil ke lene talak mehr thī ham pe nigāh

    phir jo dekhā to ba-juz ġhussa-o-dushnām nahīñ

    rāt-din ġham se tire hijar ke laḌtā hai 'niyāz'

    ye dil-āzārī mirī jaan bhalā kaam nahīñ

    kafir-e-ishq hun main banda-e-islam nahin

    but-parasti ke siwa aur mujhe kaam nahin

    ishq mein pujta hun qibla-o-kaba apna

    ek pal dil ko mere us ke bin aaram nahin

    DhunDhta hai tu kidhar yar ko mere ai mah

    manzilash dar dil-e-ma hasat lab-e-baam nahin

    bul-hawas ishq ko tu KHana-e-KHali mat bujh

    is ka aaghaz to aasan hai anjam nahin

    phansne ko dil-e-ushshaq ke ulfat bas hai

    gher lene ko ye tasKHir kam-az-dam nahin

    kaam ho jae tamam us ka paDe jis pe nigah

    tishna-e-chashm ko phir hajat-e-samsam nahin

    abr hai jam hai mina hai mai-e-gul-gun hai

    hai sab asbab-e-tarab saqi-e-gulfam nahin

    haye-re-haye chali jati hai ye fasl-e-bahaar

    kya karun bas nahin apna wo sanam ram nahin

    jaan jati hai chali dekh ke ye mausam-e-gul

    hijar-o-furqat ka meri jaan ye gulfam nahin

    dil ke lene hi talak mehr ki thi hum pe nigah

    phir jo dekha to ba-juz ghussa-o-dushnam nahin

    raat-din gham se tere hijar ke laDta hai 'niyaz'

    ye dil-azari meri jaan bhala kaam nahin

    Videos
    This video is playing from YouTube

    Videos
    This video is playing from YouTube

    Meraj Ahmed Nizami

    Meraj Ahmed Nizami

    Sami Aazad

    Sami Aazad

    Tahir Ali & Mahir Ali

    Tahir Ali & Mahir Ali

    Aabida Parveen Mira

    Aabida Parveen Mira

    Source :
    • Book : Diwan-e-Niaz-e-Be-Niaz (Pg. 148)
    • Edition : First

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now