laraztā hai mirā dil zahmat-e-mehr-e-daraḳhshāñ par
laraztā hai mirā dil zahmat-e-mehr-e-daraḳhshāñ par
maiñ huuñ vo qatra-e-shabnam ki ho ḳhār-e-bayābāñ par
na chhoḌī hazrat-e-yūsuf ne yaañ bhī ḳhāna-ārā.ī
safedī dīda-e-yāqūb kī phirtī hai zindāñ par
fanā tālīm-e-dars-e-be-ḳhudī huuñ us zamāne se
ki majnūñ laam alif likhtā thā dīvār-e-dabistāñ par
farāġhat kis qadar rahtī mujhe tashvīsh-e-marham se
baham gar sulh karte pāra-hā-e-dil namak-dāñ par
nahīñ iqlīm-e-ulfat meñ koī tūmār-e-nāz aisā
ki pusht-e-chashm se jis kī na hove mohr unvāñ par
mujhe ab dekh kar abr-e-shafaq-ālūda yaad aayā
ki furqat meñ tirī ātish barastī thī gulistāñ par
ba-juz parvāz-e-shauq-e-nāz kyā baaqī rahā hogā
qayāmat ik havā-e-tund hai ḳhāk-e-shahīdāñ par
na laḌ nāseh se 'ġhālib' kyā huā gar us ne shiddat kī
hamārā bhī to āḳhir zor chaltā hai garebāñ par
dil-e-ḳhūnīñ-jigar be-sabr-o-faiz-e-ishq-e-mustaġhnī
ilāhī yak qayāmat ḳhāvar aa TuuTe badaḳhshāñ par
'asad' ai be-tahammul arbada be-jā hai nāseh se
ki āḳhir be-kasoñ kā zor chaltā hai garebāñ par
laraztā hai mirā dil zahmat-e-mehr-e-daraḳhshāñ par
maiñ huñ wo qatra-e-shabnam ki ho ḳhār-e-bayābāñ par
na chhoḌī hazrat-e-yūsuf ne yañ bhī ḳhāna-ārāī
safedī dīda-e-yāqūb kī phirtī hai zindāñ par
fanā tālīm-e-dars-e-be-ḳhudī huñ us zamāne se
ki majnūñ lam alif likhtā thā dīwār-e-dabistāñ par
farāġhat kis qadar rahtī mujhe tashwīsh-e-marham se
baham gar sulh karte pāra-hā-e-dil namak-dāñ par
nahīñ iqlīm-e-ulfat meñ koī tūmār-e-nāz aisā
ki pusht-e-chashm se jis kī na howe mohr unwāñ par
mujhe ab dekh kar abr-e-shafaq-ālūda yaad aayā
ki furqat meñ tirī ātish barastī thī gulistāñ par
ba-juz parwāz-e-shauq-e-nāz kyā baqī rahā hogā
qayāmat ek hawā-e-tund hai ḳhāk-e-shahīdāñ par
na laḌ nāseh se 'ġhālib' kyā huā gar us ne shiddat kī
hamārā bhī to āḳhir zor chaltā hai garebāñ par
dil-e-ḳhūnīñ-jigar be-sabr-o-faiz-e-ishq-e-mustaġhnī
ilāhī yak qayāmat ḳhāwar aa TuTe badaḳhshāñ par
'asad' ai be-tahammul arbada be-jā hai nāseh se
ki āḳhir be-kasoñ kā zor chaltā hai garebāñ par
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
