puchhte ho hamin se tumhein kya nam tera jo humne sanam le liya

pūchhte ho hamīñ se tumheñ kyā naam terā jo ham ne sanam le liyā

apnī marzī ke mālik the ham is liye jān-o-dil bech kar terā ġham le liyā

zabt kar na sake terī furqat ko ham is tarah pyaar meñ tere ham kho ga.e

ban ke dīvāne ham DhūñDhte rah ga.e sar pe ilzām dair-o-haram le liyā

phuul chun-chun ke kāñTe chhuḌāte rahe raah meñ terī palkeñ bichhāte rahe

zarf vāloñ ne ahl-e-chaman ke liye kis qadar kaam terī qasam le liyā

apne jazb-e-vafā se ham majbūr the varna kyuuñ apne sar lete dushvāriyāñ

dushmanoñ kī nazar se chhupeñ kis tarah us mohalle meñ ghar be-rahm le liyā

bazm-e-ḳhūbāñ meñ 'māhir' ko parkhā gayā sirr-e-jazbāt dil ko bhī tolā gayā

husn jab husn vāloñ ko baḳhshā gayā haath meñ shā'iroñ ne qalam le liyā

puchhte ho hamin se tumhein kya nam tera jo hum ne sanam le liya

apni marzi ke malik the hum is liye jaan-o-dil bech kar tera gham le liya

zabt kar na sake teri furqat ko hum is tarah pyar mein tere hum kho gae

ban ke diwane hum DhunDhte rah gae sar pe ilzam dair-o-haram le liya

phul chun-chun ke kanTe chhuDate rahe rah mein teri palken bichhate rahe

zarf walon ne ahl-e-chaman ke liye kis qadar kaam teri qasam le liya

apne jazb-e-wafa se hum majbur the warna kyun apne sar lete dushwariyan

dushmanon ki nazar se chhupen kis tarah us mohalle mein ghar be-rahm le liya

bazm-e-KHuban mein 'mahir' ko parkha gaya sirr-e-jazbaat dil ko bhi tola gaya

husn jab husn walon ko baKHsha gaya hath mein sha'iron ne qalam le liya