Sufinama

mere mah-jabin ne ba-sad-ada jo naqab ruKH se uTha diya

Aughat Shah Warsi

mere mah-jabin ne ba-sad-ada jo naqab ruKH se uTha diya

Aughat Shah Warsi

MORE BYAughat Shah Warsi

    mere mah-jabīñ ne ba-sad-adā jo naqāb ruḳh se uThā diyā

    jo sunā na thā kabhī hosh meñ vo tamāshā mujh ko dikhā diyā

    milā shab jo ḳhvāb meñ vo hasīñ ye kahā thā niklegī hasrateñ

    ye jafā ye bād-e-sahar ne chalī yuuñ ki mujh ko jagā diyā

    maiñ agarche ḳhaak meñ mil chukā magar un ke dil meñ ġhubār thā

    ki nishān-e-qabr bhī DhūñDh kar mere sañg-e-dil ne miTā diyā

    chhuTe qaid-e-dair-o-haram se ham hue ḳhvāb vo jo ḳhayāl the

    mujhe sāqiyā mai-e-be-ḳhudī vo jaam ne pilā diyā

    tujhe dekh o but-e-ḳhush-adā phirī aañkh saarī ḳhudā.ī se

    vo jo yaad rahtī thī sūrateñ unheñ saaf dil se bhulā diyā

    maiñ vo murġh-e-ḳhanā-ḳharāb huuñ ki chaman-e-qafs hai zikr kyā

    liyā gar hasīnoñ ne mol bhī mujhe sadqa kar ke uḌā diyā

    merā garche 'aughaT' naam hai par karam hai 'vāris'-e-pāk

    zahe-shān dam meñ ġhanī kiyā ki gadā se shaah banā diyā

    mere mah-jabin ne ba-sad-ada jo naqab ruKH se uTha diya

    jo suna na tha kabhi hosh mein wo tamasha mujh ko dikha diya

    mila shab jo KHwab mein wo hasin ye kaha tha niklegi hasraten

    ye jafa ye baad-e-sahar ne ki chali yun ki mujh ko jaga diya

    main agarche KHak mein mil chuka magar un ke dil mein ghubar tha

    ki nishan-e-qabr bhi DhunDh kar mere sang-e-dil ne miTa diya

    chhuTe qaid-e-dair-o-haram se hum hue KHwab wo jo KHayal the

    mujhe saqiya mai-e-be-KHudi ka wo jam tu ne pila diya

    tujhe dekh o but-e-KHush-ada phiri aankh sari KHudai se

    wo jo yaad rahti thi suraten unhen saf dil se bhula diya

    main wo murgh-e-KHana-KHarab hun ki chaman-e-qafs ka hai zikr kya

    liya gar hasinon ne mol bhi mujhe sadqa kar ke uDa diya

    mera garche 'aughaT' nam hai par karam hai 'waris'-e-pak ka

    zahe-shan dam mein ghani kiya ki gada se shah bana diya

    Source :
    • Book : Faizan-e-Warsi Al-Maruf Zamzama-e-Qawwali (Pg. 11)
    • Author : Aughat Shah Warsi
    • Publication : Jayyad Barqi Press, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now