ye hai allah ka farman har ek ko suna dena

ye hai allāh kā farmān har ik ko sunā denā

jo apne aap ko banda samajhtā hai sazā denā

na us ko ḳhauf ho dil meñ na us kī aarzū dil meñ

jahannam ko bujhā kar aag jannat ko lagā denā

'amal apne ġhalat gar haiñ to de ham ko sazā yā-rab

magar pahle hamāre rahnumāoñ ko sazā denā

azal meñ lāpata the lāpata haiñ lāpata hoñge

pata apnā koī pūchhe to kis ko kyā pata denā

jo andhā ho use dāġh-e-jigar kis tarah dikhlānā

haqīqat meñ jo bahra ho use āvāz kyā denā

abhī allāh nabī iblīs ko maiñ khīñch kar lā.ūñ

agar mā'lūm hai to un kā 'rizvāñ' ko pata denā

ye hai allah ka farman har ek ko suna dena

jo apne aap ko banda samajhta hai saza dena

na us ko KHauf ho dil mein na us ki aarzu dil mein

jahannam ko bujha kar aag jannat ko laga dena

'amal apne ghalat gar hain to de hum ko saza ya-rab

magar pahle hamare rahnumaon ko saza dena

azal mein lapata the lapata hain lapata honge

pata apna koi puchhe to kis ko kya pata dena

jo andha ho use dagh-e-jigar kis tarah dikhlana

haqiqat mein jo bahra ho use aawaz kya dena

abhi allah nabi iblis ko main khinch kar laun

agar ma'lum hai to un ka 'rizwan' ko pata dena