sher

be-piye bhii sub.h-e-mahshar ham ko laGzish hai bahut
qabr se kyuu.n kar uThe.n baar-e-gunaah kyuu.n kar uThe

Riyaz Khairabadi

Kalaam

vo thaam rahe hai.n mujhe har laGzish-e-paa par
vaabasta to rakhaa mirii laGzish ne kisii se

Kamil Shattari

Persian Kalam

az baar-e-miinaa larzish ba-daste
vaz kaif-e-sahbaa laGzish ba-gaame

Jigar Moradabadi

Ghazal

ko.ii laGzish na ho jaa.e achaanak
tiraa band-e-qabaa hai aur mai.n huu.n

Abdul Hameed Adam

Nazm

ek rah-guzar par

adaa-e-laGzish-e-paa par qayaamate.n qurbaa.n
bayaaz-ruKH pe sahar kii sabaahate.n qurbaa.n

Faiz Ahmad Faiz

Ghazal

saaqii to saaqii baada-parasto.n ke paa.nv par
sajde karaa.e laGzish-e-mastaana-vaar ne

Bedam Shah Warsi

Naat-o-Manqabat

laGzish hai mire paa.nv me.n dushvaar hai rastaa
girtaa huu.n mujhe servar-e-kaunain sambhaalo

Fana Bulandshahri

Naat-o-Manqabat

kuchh aisii sifat kaa hai mai-kHaana mohammad kaa
laGzish me.n nahii.n laataa paimaana mohammad kaa

Kamil Shattari

Ghazal

paa.e saaqii se hai saabit qadmii.n hastii me.n
sajda-e-shukr ko mai.n laGzish-e-mastaana kahuu.n

Zaheen Shah Taji

Kalaam

ai jabar-e-dost laGzish-e-‘maahir’ se dar-guzar
aayaa huu.n iKHtiyaar kii tohmat liye hu.e

Mahirul Qadri

Naat-o-Manqabat

kyaa sharii.at kyaa tariiqat kyaa haqiiqat hai.n ye sab
laGzish-e-mastaana-e-mastaan taaj-ul-auliyaa

Zaheen Shah Taji

Ghazal

puuchhtaa huu.n laGzish-e-mastaana-e-arbaab-e-ishq
aa.iina-daar khiraam-e-dost ho jaatii hai kyaa

Zaheen Shah Taji

Kalaam

terii taraf nigaah thii laGzish nigaah kii
kyaa maa.ngtaa hai zauq-e-nazar paa rahaa hai kyaa

Zaheen Shah Taji

Kalaam

haatho.n me.n subuu lab pe fuGaa.n paa.nv me.n laGzish
kyaa shorish-e-mastii me.n hai mastaana kisii kaa

Ghausi Shah

Kalaam

laGzish jo hu.ii hazrat-e-aadam se bashar ko
'aasii ko kyuu.n kaho vo bhii to bashar hai

Unknown

Kalaam

har gaam ye laGzish thii rah-e-ishq me.n lekin
phisle to sambhaalaa hame.n tasliim-o-razaa ne

Ameer Minai

Ghazal

merii har laGzish pe aa jaa.e mere saaqii ko pyaar
hosh se 'saadiq' mujhe begaangii aisii to ho

Sadiq Dehlvi

Ghazal

pii chuke hai.n le ke chashm-e-yaar se paimaana ham
thaamnaa lenaa gire ai laGzish-e-mastaana ham

Akhtar Naginvi

Kalaam

janaab-e-vaa'iz hamaarii laGzish hamaarii had tak vabaal hogii
qadam tumhaare jo Dagmagaa.e.n to Dagmagaa jaa.egaa zamaana

Kamil Shattari