चितावनी और उपदेश - चंदा झलकै यहि घट माहीं
रोचक तथ्य
चंदा झलकै यहि घट माहीँ
चंदा झलकै यहि घट माहीं
अंधी आंखिन सूझै नाहिं
यहि घट चंदा यही घट सूर
यहि घट गाजै अणहद तूर
यहि घट बाजै तवल निसान
बहिरा सबद सुनै नहिं कान
जब लग मेरी मेरी करै
तब लग काज न एकौ सरै
जब मेरी ममता मरि जाय
तब प्रभू काज सँवारैँ आय
जब लग सिंह रहै बन माहिँ
तब लग वो बन फूलै नाहिं
उटल स्यार सिंघ को खाय
उकिठा बन फूलै हरियाय
ज्ञान के कारन करम कमाय
होय ज्ञान तब करम नसाय
फल कारन फूलै बनराय
फल लागे पर फूल सुखाय
मिरग पास कस्तूरी बास
आपु न खोजै खोजै घास
पारै पिंड मीन लै खाई
कहैँ 'कबीर' लोग बौराई
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
