Aaftab Shayari

ik āftāb-e-vahdat hai jalvā-baḳhsh-e-kasrat

niklī huvī haiñ galiyāñ sadhā tirī galī meñ

ek aaftab-e-wahdat hai jalwa-baKHsh-e-kasrat

nikli huwi hain galiyan sadha teri gali mein

vasl kī shab ho chukī ruḳhsat qamar hone lagā

āftāb-e-roz-e-mahshar jalva-gar hone lagā

wasl ki shab ho chuki ruKHsat qamar hone laga

aaftab-e-roz-e-mahshar jalwa-gar hone laga

khīñchtā huuñ maiñ tasavvur se ba-dil tasvīr-e-yār

āftāb-e-subh saañ mahbūb mere bar meñ hai

khinchta hun main tasawwur se ba-dil taswir-e-yar

aaftab-e-subh san mahbub mere bar mein hai

zarre ko āftāb kā hamtā banā diyā

'ishq-e-nabī ne qatre ko dariyā banā diyā

zarre ko aaftab ka hamta bana diya

'ishq-e-nabi ne qatre ko dariya bana diya

maiñ zarra thā mujhe zarre se āftāb kiyā

phir ab na zarra banā āftāb kar ke mujhe

main zarra tha mujhe zarre se aaftab kiya

phir ab na zarra bana aaftab kar ke mujhe

baḌh jaa.e kyuuñ na she'r mirā āftāb se

mazmūn ruḳh kā bāñdhā hai kis āb-o-tāb se

baDh jae kyun na she'r mera aaftab se

mazmun ruKH ka bandha hai kis aab-o-tab se

tumhāre dar pe aayā ‘āftāb’ uski jo mushkil hai

karo jaldī se āsāñ hazrat-e-ḳhvājā muīnuddīn

tumhaare dar pe aaya ‘aftab’ uski jo mushkil hai

karo jaldi se aasan hazrat-e-KHwaja muinuddin