sāġhar kī aarzū hai na paimāna chāhiye
bas ik nigāh-e-murshid-e-maiḳhāna chāhiye
saghar ki aarzu hai na paimana chahiye
bas ek nigah-e-murshid-e-maiKHana chahiye
aarzū ye hai tumhārā āñchal āñkhoñ se lage
kuchh samajhte ho ki ham rote hue aate haiñ kyuuñ
aarzu ye hai tumhaara aanchal aankhon se lage
kuchh samajhte ho ki hum rote hue aate hain kyun
aarzū hasrat tamannā mudda.ā koī nahīñ
jab se tum ho mere dil meñ dūsrā koī nahīñ
aarzu hasrat tamanna muddaa koi nahin
jab se tum ho mere dil mein dusra koi nahin
aarzū hai ki tirā dhyān rahe tā-dam-e-marg
shakl terī nazar aa.e mujhe jab aa.e ajal
aarzu hai ki tera dhyan rahe ta-dam-e-marg
shakl teri nazar aae mujhe jab aae ajal
har aañkh ko hai tirī tamannā
har dil meñ tirī hī aarzū hai
har aankh ko hai teri tamanna
har dil mein teri hi aarzu hai
aarzū hai 'vafā' yahī apnī
un ke qadmoñ meñ dam nikal jaa.e
aarzu hai 'wafa' yahi apni
un ke qadmon mein dam nikal jae
ye fareb-e-taskīñ hai tark-e-ārzū ma.alūm
tark-e-ārzū 'maikash' ye bhī aarzū hī hai
ye fareb-e-taskin hai tark-e-arzu malum
tark-e-arzu 'maikash' ye bhi aarzu hi hai
kahīñ ruḳh badal na le ab mirī aarzū kā dhārā
vo badal rahe haiñ nazreñ mirī zindagī badal kar
kahin ruKH badal na le ab meri aarzu ka dhaara
wo badal rahe hain nazren meri zindagi badal kar
ise bhī nāvak-e-jānāñ tū apne saath letā jā
ki merī aarzū dil se nikalne ko tarastī hai
ise bhi nawak-e-jaanan tu apne sath leta ja
ki meri aarzu dil se nikalne ko tarasti hai
pahuñch jaatī hai kisī ke gosh-e-dil tak
hamārī aarzū itnī kahāñ hai
pahunch jati hai kisi ke gosh-e-dil tak
hamari aarzu itni kahan hai
rahī ye aarzū āḳhir ke dam tak
na pahuñchā sar mirā tere qadam tak
rahi ye aarzu aaKHir ke dam tak
na pahuncha sar mera tere qadam tak
hasrat-o-yās-o-ārzū shauq kā iqtidā kareñ
kushta-e-ġham kī laash par dhuum se ho namāz-e-ishq
hasrat-o-yas-o-arzu shauq ka iqtida karen
kushta-e-gham ki lash par dhum se ho namaz-e-ishq
muddatoñ se aarzū ye dil meñ hai
ek din tū ghar hamāre aa.iye
muddaton se aarzu ye dil mein hai
ek din tu ghar hamare aaiye
us vaqt tak sulagtī rahī us kī aarzū
jab tak dhueñ se saarā badan bhar nahīñ gayā
us waqt tak sulagti rahi us ki aarzu
jab tak dhuen se sara badan bhar nahin gaya
donoñ jānib agar aarzū vasl kī koī tūfāñ uThā.e to maiñ kyā karūñ
ishq unheñ gudgudā.e to vo kyā kareñ husn mujh ko bulā.e to maiñ kyā karūñ
donon jaanib agar aarzu wasl ki koi tufan uThae to main kya karun
ishq unhen gudgudae to wo kya karen husn mujh ko bulae to main kya karun
aarzū ham nāḳhudā kī kyuuñ kareñ
apnī kashtī kā to afsar aur hai
aarzu hum naKHuda ki kyun karen
apnī kashti ka to afsar aur hai
ye aarzū hai ki vo nāma-bar se le kāġhaz
balā se phaaḌ ke phir haath meñ na le kāġhaz
ye aarzu hai ki wo nama-bar se le kaghaz
bala se phaD ke phir hath mein na le kaghaz
mohabbat meñ sarāpā ārzū-dar-ārzū maiñ huuñ
tamannā dil mirā hai aur mire dil kī tamannā tū
mohabbat mein sarapa aarzu-dar-arzu main hun
tamanna dil mera hai aur mere dil ki tamanna tu
merā dam bhī sama.a meñ nikle
ab yahī hai ik aarzū ḳhvāja
mera dam bhi sama mein nikle
ab yahī hai ek aarzu KHwaja
kalīm baat baḌhāte na guftugū karte
lab-e-ḳhāmosh se iz.hār-e-ārzū karte
kalim baat baDhate na guftugu karte
lab-e-KHamosh se izhaar-e-arzu karte
mileñ bhī vo to kyūñkar aarzū bar aa.egī dil kī
na hogā ḳhud ḳhayāl un ko na hogī iltijā mujh se
milen bhi wo to kyunkar aarzu bar aaegi dil ki
na hoga KHud KHayal un ko na hogi iltija mujh se
tasavvur meñ vo ā.eñge to puurī aarzū hogī
vo mere paas hoñge aur un se guftugū hogī
tasawwur mein wo aaenge to puri aarzu hogi
wo mere pas honge aur un se guftugu hogi
ab to 'sādiq' hai ye aarzū
ishq hī merī manzil bane
ab to 'sadiq' hai ye aarzu
ishq hi meri manzil bane
na nikle jab koī armāñ na koī aarzū niklī
to apnī hasratoñ kā ḳhuun honā is ko kahte haiñ
na nikle jab koi arman na koi aarzu nikli
to apni hasraton ka KHun hona is ko kahte hain
hamārī aarzū dil kī tumhārī jumbish-e-lab par
tamannā ab bar aatī hai agar kuchh lab-kushā tum ho
hamari aarzu dil ki tumhaari jumbish-e-lab par
tamanna ab bar aati hai agar kuchh lab-kusha tum ho
bayān-e-dard-āgīñ hai kahegā jā ke kyā qāsid
hadīs-e-ārzū merī pareshāñ dāstāñ merī
bayan-e-dard-agin hai kahega ja ke kya qasid
hadis-e-arzu meri pareshan dastan meri
mujhe har-qadam terī justujū mujhe har-nafs terī aarzū
mujhe apnā ġham hai na ġham-e-jahāñ terī shaan jalla-jalāluhu
mujhe har-qadam teri justuju mujhe har-nafs teri aarzu
mujhe apna gham hai na gham-e-jahan teri shan jalla-jalaluhu
sikhā.ī naaz ne qātil ko bedardī kī ḳhū barsoñ
rahī betāb siina meñ hamārī aarzū barsoñ
sikhai naz ne qatil ko bedardi ki KHu barson
rahi betab sina mein hamari aarzu barson
yahī aarzū dil meñ dhartā achhe
ḳhudā suuñ munājāt kartā achhe
yahi aarzu dil mein dharta achhe
KHuda sun munajat karta achhe
lagte hī Thes TuuT gayā sāz-e-ārzū
milte hī aañkh shīsha-e-dil chuur chuur thā
lagte hi Thes TuT gaya saz-e-arzu
milte hi aankh shisha-e-dil chur chur tha
kuchh aarzū se kaam nahīñ 'ishq' ko sabā
manzūr us ko hai vahī jo ho razā-e-gul
kuchh aarzu se kaam nahin 'ishq' ko saba
manzur us ko hai wahi jo ho raza-e-gul
mirī aarzū ke charāġh par koī tabsira bhī kare to kyā
kabhī jal uThā sar-e-shām se kabhī bujh gayā sar-e-shām se
meri aarzu ke charagh par koi tabsira bhi kare to kya
kabhi jal uTha sar-e-sham se kabhi bujh gaya sar-e-sham se
ye aarzū hai ki me.arāj-e-zindagī ho jaa.e
ġhulām kī dar-e-āqā pe hāzirī ho jaa.e
ye aarzu hai ki mearaj-e-zindagi ho jae
ghulam ki dar-e-aqa pe haziri ho jae
pūchhte haiñ vo aarzū 'kausar'
dil meñ armāñ ek ho to kahūñ
puchhte hain wo aarzu 'kausar'
dil mein arman ek ho to kahun
sāhil kī aarzū nahīñ ta.alīm-e-mustafā
ye naav to rozāna hī mañjdhār se huī
sahil ki aarzu nahin talim-e-mustafa
ye naw to rozana hi manjdhaar se hui
'kausar' vasl shāh-e-hasīnāñ kī aarzū
mujh ko nahīñ jahāñ meñ havas māl-o-jāh kī
'kausar' wasl shah-e-hasinan ki aarzu
mujh ko nahin jahan mein hawas mal-o-jah ki
vo mal ke dast-e-hinā.ī se dil lahū karte
ham aarzū ko hasīñ ḳhūn-e-ārzū karte
wo mal ke dast-e-hinai se dil lahu karte
hum aarzu ko hasin KHun-e-arzu karte
dījiye un ko kanār-e-ārzū par iḳhtiyār
jab vo hoñ āġhosh meñ be-dast-o-pā ho jā.iye
dijiye un ko kanar-e-arzu par iKHtiyar
jab wo hon aaghosh mein be-dast-o-pa ho jaiye
vo tajallī jis ne dasht-e-ārzū chamkā diyā
kuchh to mere dil meñ hai aur kuchh kaf-e-mūsā meñ hai
wo tajalli jis ne dasht-e-arzu chamka diya
kuchh to mere dil mein hai aur kuchh kaf-e-musa mein hai
sab kuchh ḳhudā ne mujh ko diyā 'arsh' be-talab
duḳhtar kī aarzū na tamannā pisar kī hai
sab kuchh KHuda ne mujh ko diya 'arsh' be-talab
duKHtar ki aarzu na tamanna pisar ki hai
aarzū ke dil pe ā.eñgī na kyā kyā āfateñ
dar-pai-e-inkār hai nā-āshnā.ī aap kī
aarzu ke dil pe aaengi na kya kya aafaten
dar-pai-e-inkar hai na-ashnai aap ki
mujhe aish-o-ġham meñ ġharaz nahīñ agar aarzū hai to hai yahī
ki umañg ban ke chhupā rahe koī dil ke parda-e-rāz meñ
mujhe aish-o-gham mein gharaz nahin agar aarzu hai to hai yahi
ki umang ban ke chhupa rahe koi dil ke parda-e-raaz mein
aarzū lāzim hai vaj.h-e-ārzū ho yā na ho
iltifāt us kāfir-e-ḳhud-bīñ kī ḳhū ho yā na ho
aarzu lazim hai wajh-e-arzu ho ya na ho
iltifat us kafir-e-KHud-bin ki KHu ho ya na ho
ummīdeñ tujh se thiiñ vābasta lākhoñ aarzū lekin
bahut ho kar tirī dargāh se be-e'tibār aa.ī
ummiden tujh se thin wabasta lakhon aarzu lekin
bahut ho kar teri dargah se be-e'tibar aai
bahār aane kī aarzū kyā bahār ḳhud hai nazar kā dhokā
abhī chaman jannat-nazar hai abhī chaman kā patā nahīñ hai
bahaar aane ki aarzu kya bahaar KHud hai nazar ka dhoka
abhi chaman jannat-nazar hai abhi chaman ka pata nahin hai
tere ġham kī harsat-o-ārzū hai zabān-e-ishq meñ zindagī
jinheñ mil gayā hai ye mudda.ā vo maqām-e-zīst bhī pā ga.e
tere gham ki harsat-o-arzu hai zaban-e-ishq mein zindagi
jinhen mil gaya hai ye muddaa wo maqam-e-zist bhi pa gae
aaj ik aur baras biit gayā us ke baġhair
jis ke hote hue hote the zamāne mere
