jo miTā hai tere jamāl par vo har ek ġham se guzar gayā
huiiñ jis pe terī navāzisheñ vo bahār ban ke sañvar gayā
jo miTa hai tere jamal par wo har ek gham se guzar gaya
huin jis pe teri nawazishen wo bahaar ban ke sanwar gaya
dekhiye ab ke ġham se jī merā
na bachegā bachegā kyā hogā
dekhiye ab ke ġham se jī merā
na bachegā bachegā kyā hogā
mahsūs ye huā mujhe ehsās-e-ġham ke saath
maiñ us ke dam ke saath huuñ vo mere dam ke saath
mahsus ye hua mujhe ehsas-e-gham ke sath
main us ke dam ke sath hun wo mere dam ke sath
milā hai jo muqaddar meñ raqam thā
zahe qismat mire hisse meñ ġham thā
mila hai jo muqaddar mein raqam tha
zahe qismat mere hisse mein gham tha
shab-e-ġham kis ārām se sau ga.e ham
fasāna tirī yaad kā kahte kahte
shab-e-gham kis aaram se sau gae hum
fasana teri yaad ka kahte kahte
maiñ vo saaf hī na kah duuñ jo hai farq mujh meñ tujh meñ
tirā dard dard-e-tanhā mirā ġham ġham-e-zamāna
main wo saf hi na kah dun jo hai farq mujh mein tujh mein
tera dard dard-e-tanha mera gham gham-e-zamana
rakhte haiñ dushmanī bhī jatāte haiñ pyaar bhī
haiñ kaise ġham-gusār mire ġham-gusār bhī
rakhte hain dushmani bhi jatate hain pyar bhi
hain kaise gham-gusar mere gham-gusar bhi
na kar nāsehā zabt-e-ġham kī nasīhat
ki hai sabr dushvār jān-e-hazīñ par
na kar naseha zabt-e-gham ki nasihat
ki hai sabr dushwar jaan-e-hazin par
duniyā ke har ik ġham se behtar hai ġham-e-jānāñ
sau sham.a bujhā kar ham ik sham.a jalā leñge
duniya ke har ek gham se behtar hai gham-e-jaanan
sau shama bujha kar hum ek shama jala lenge
bas vahī paatā hai aish-e-zindagī
jis ko ġham meñ mubtalā kartā hai ishq
bas wahi pata hai aish-e-zindagi
jis ko gham mein mubtala karta hai ishq
vo aañkh mere liye nam hai kyā kiyā jaa.e
use bhī aaj mirā ġham hai kyā kiyā jaa.e
wo aankh mere liye nam hai kya kiya jae
use bhi aaj mera gham hai kya kiya jae
ba-sad nā-murādī murād apnī 'kāmil'
kisī kā ġham-e-mo'tabar allāh allāh
ba-sad na-muradi murad apnī 'kaamil'
kisi ka gham-e-mo'tabar allah allah
miT jaa.e apnī hastī-e-mauhūm ġham hai kyā
ho dil ko tirā ġham koī ho ho na ho na ho
miT jae apni hasti-e-mauhum gham hai kya
ho dil ko tera gham koi ho ho na ho na ho
maiñ talḳhī-e-hayāt se ghabrā ke pī gayā
ġham kī siyāh raat se ghabrā ke pī gayā
main talKHi-e-hayat se ghabra ke pi gaya
gham ki siyah raat se ghabra ke pi gaya
āḳhir ġham-e-hayāt ke mātam se fā.ida
ġham zindagī ke saath ḳhusī zindagī ke saath
aaKHir gham-e-hayat ke matam se faida
gham zindagi ke sath KHusi zindagi ke sath
rakhā na ab kahīñ kā dil-e-be-qarār ne
barbād kar diyā ġham-e-be-iḳhtiyār ne
rakha na ab kahin ka dil-e-be-qarar ne
barbaad kar diya gham-e-be-iKHtiyar ne
kuchh rahā bhī hai bīmār-e-ġham meñ
ab davā ho to kis kī davā ho
kuchh raha bhi hai bimar-e-gham mein
ab dawa ho to kis ki dawa ho
jo dil ho jalva-gāh-e-nāz is meñ ġham nahīñ hotā
jahāñ sarkār hote haiñ vahāñ mātam nahīñ hotā
jo dil ho jalwa-gah-e-naz is mein gham nahin hota
jahan sarkar hote hain wahan matam nahin hota
furqat meñ tire ġham-o-alam ne
tanhā mujhe pā ke maar Daalā
furqat mein tere gham-o-alam ne
tanha mujhe pa ke mar Dala
kyā ġham jo TuuuT jaa.en jigar jaañ kaleja dil
per terī chaah kī na tamannā shikast ho
kya gham jo TuuT jaen jigar jaan kaleja dil
per teri chah ki na tamanna shikast ho
kyā in aahoñ se shab-e-ġham muḳhtasar ho jaa.e gī
ye seh sehar hone kī bāteñ hainñ sehar ho jaa.e gī
kya in aahon se shab-e-gham muKHtasar ho jae gi
ye seh sehar hone ki baaten hainn sehar ho jae gi
kiye mujh pe ehsāñ ġham-e-yār ne
hamesha ko nīchī nazar ho ga.ī
kiye mujh pe ehsan gham-e-yar ne
hamesha ko nichi nazar ho gai
tere ġham ne ye din dikhāyā mujhe
ki mujh se hī āḳhir chhuḌāyā mujhe
tere gham ne ye din dikhaya mujhe
ki mujh se hi aaKHir chhuDaya mujhe
ġham se nāzuk zabt-e-ġham kī baat hai
ye bhī dariyā hai magar Thahrā huā
gham se nazuk zabt-e-gham ki baat hai
ye bhi dariya hai magar Thahra hua
nahīñ hotī vafā kī manzileñ āsāñ kabhī us par
mohabbat meñ jo hastī āshnā-e-ġham nahīñ hoti
nahin hoti wafa ki manzilen aasan kabhi us par
mohabbat mein jo hasti aashna-e-gham nahin hoti
sarf-e-ġham ham ne naujavānī kī
vaah kyā ḳhuub zindagānī kī
sarf-e-gham hum ne naujawani ki
wah kya KHub zindagani ki
aur kuchh ġham nahīñ ġham ye hai
aap mil kar judā ho ga.e
aur kuchh gham nahin gham ye hai
aap mil kar juda ho gae
dil gayā raunaq-e-hayāt ga.ī
ġham gayā saarī kā.enāt ga.ī
dil gaya raunaq-e-hayat gai
gham gaya sari kaenat gai
na pūchho pata 'akbar'-e-ġham-zada kā
kahīñ hogā thāme jigar dekh lenā
na puchho pata 'akbar'-e-gham-zada ka
kahin hoga thame jigar dekh lena
aaj unke dāman per ashk mere Dhalte haiñ
ġham ke tez-rū dhāre rāste badalte haiñ
aaj unke daman per ashk mere Dhalte hain
gham ke tez-ru dhaare raste badalte hain
ġham-e-jānāñ ko jān-e-jāñ banā le dekh dīvāne
ġham-e-jānāñ se baḌh kar aur koī ġham nahīñ hotā
ġham-e-jānāñ ko jān-e-jāñ banā le dekh dīwāne
ġham-e-jānāñ se baḌh kar aur koī ġham nahīñ hotā
kabhī vartā-e-ġham meñ dil ko Dubo kar kabhī ḳhuun pī kar kabhī ḳhuun ro kar
bahul kuchh abhī abpnī rūdād-e-ġham ko isī tarah rañgīñ banānā paḌegā
kabhi warta-e-gham mein dil ko Dubo kar kabhi KHun pi kar kabhi KHun ro kar
bahul kuchh abhi abpni rudad-e-gham ko isi tarah rangin banana paDega
tamavvuj bahr-e-ġham kā dekhte ho
habāb-e-dil hai dariyā-dil hamārā
tamawwuj bahr-e-gham ka dekhte ho
habab-e-dil hai dariya-dil hamara
kaun rahtā hai tere ġham ke sivā
is dil-e-ḳhānumāñ-ḳharāb ke beach
kaun rahta hai tere gham ke siwa
is dil-e-KHanuman-KHarab ke beach
umr guzre isī kashmakash meñ mirī
ġham satātā rahe ḳhuuñ rulātā rahe
umr guzre isi kashmakash mein meri
gham satata rahe KHun rulata rahe
ġham-e-jānāñ ġham-e-ayyām ke sāñche meñ Dhaltā hai
ke ik ġham dūsre kā chāragar hai ham na kahte the
gham-e-jaanan gham-e-ayyam ke sanche mein Dhalta hai
ke ek gham dusre ka chaaragar hai hum na kahte the
ishq meñ tere koh-e-ġham sar pe liyā jo ho so ho
aish-o-nishāt-e-zindagī chhoḌ diyā jo ho so ho
ishq mein tere koh-e-gham sar pe liya jo ho so ho
aish-o-nishat-e-zindagi chhoD diya jo ho so ho
vo majnūñ kī tasvīr par pūchhnā
tirī kis ke ġham meñ ye sūrat huī
wo majnun ki taswir par puchhna
teri kis ke gham mein ye surat hui
zabt-e-ġham kī ye qīmat milī
bevafā.ī kī tohmat milī
zabt-e-gham ki ye qimat mili
bewafai ki tohmat mili
balā ke ranj-o-ġham darpesh haiñ rāh-e-mohabbat meñ
hamārī manzil-e-dil tak hameñ allāh pahuñchā.e
bala ke ranj-o-gham darpesh hain rah-e-mohabbat mein
hamari manzil-e-dil tak hamein allah pahunchae
ġham-e-jānāñ se dil mānūs jab se ho gayā mujh ko
hañsī achchhī nahīñ lagtī ḳhushī achchhī nahīñ lagtī
gham-e-jaanan se dil manus jab se ho gaya mujh ko
hansi achchhi nahin lagti KHushi achchhi nahin lagti
mire dil se hai raazī ġham tumhārā
na kahnā ab ye kāshāna burā hai
mere dil se hai raazi gham tumhaara
na kahna ab ye kashana bura hai
ḳhayāl-e-shab-e-ġham se ghabrā rahe haiñ
hameñ din ko taare nazar aa rahe haiñ
KHayal-e-shab-e-gham se ghabra rahe hain
hamein din ko tare nazar aa rahe hain
ahl-e-mahfil hoñ na hoñ dil to mujassam gosh hai
qissa-e-ġham rāt-bhar 'hāmid' sunāte jā.iye
ahl-e-mahfil hon na hon dil to mujassam gosh hai
qissa-e-gham raat-bhar 'hamid' sunate jaiye
Thikānā kidhar hai kahāñ jaa.e gī
shab-e-ġham mirī kis ke ghar jaa.e gī
Thikana kidhar hai kahan jae gi
shab-e-gham meri kis ke ghar jae gi
ġham ko bā-ġham baham na kiije
gar ġham hai to ġham kā ġham na kiije
gham ko ba-gham baham na kije
gar gham hai to gham ka gham na kije
tujhe bahr-e-ġham se guzar ne ko ai 'shauq'
hamārī ġhazal kā safīna nahīñ hai
tujhe bahr-e-gham se guzar ne ko ai 'shauq'
hamari ghazal ka safina nahin hai
maiñ tire Dar se ro nahīñ saktā
gard-e-ġham dil se dho nahīñ saktā
main tere Dar se ro nahin sakta
gard-e-gham dil se dho nahin sakta
ġham-e-uqbā ġham-e-duniyā ġham-e-dil
muqaddar meñ hamāre kyā nahīñ hai
gham-e-uqba gham-e-duniya gham-e-dil
muqaddar mein hamare kya nahin hai
aaj ik aur baras biit gayā us ke baġhair
jis ke hote hue hote the zamāne mere
