bāġh-e-jahāñ ke gul haiñ yā ḳhaar haiñ to ham haiñ
gar yaar haiñ to ham haiñ aġhyār haiñ to ham haiñ
bāġh-e-jahāñ ke gul haiñ yā ḳhaar haiñ to hum haiñ
gar yar haiñ to hum haiñ aġhyār haiñ to hum haiñ
rañg-e-gul phīkā hai jis ke sāmne
itnā rañgīñ yaar kā ruḳhsār hai
rang-e-gul phika hai jis ke samne
itna rangin yar ka ruKHsar hai
sūrat-e-gul meñ khilkhilā ke hañsā
shakl-e-bulbul meñ chahchahā dekhā
surat-e-gul mein khilkhila ke hansa
shakl-e-bulbul mein chahchaha dekha
maiñ vo gul huuñ na fursat dī ḳhizāñ ne jis ko hañsne kī
charāġh-e-qabr bhī jal kar na apnā gul-fishāñ hogā
main wo gul hun na fursat di KHizan ne jis ko hansne ki
charagh-e-qabr bhi jal kar na apna gul-fishan hoga
jaan dī bulbuloñ ne jab gul per
tab vo gulzār meñ nazar aa.yā
jaan di bulbulon ne jab gul per
tab wo gulzar mein nazar aaya
sambhal jaao chaman vaalo ḳhatar hai ham na kahte the
jamāl-e-gul ke parde meñ sharar hai ham na kahte the
sambhal jao chaman walo KHatar hai hum na kahte the
jamal-e-gul ke parde mein sharar hai hum na kahte the
bulbul ko mubārak ho havā-e-gul-o-gulshan
parvāne ko soz-e-dil-e-parvāna mubārak
bulbul ko mubarak ho hawa-e-gul-o-gulshan
parwane ko soz-e-dil-e-parwana mubarak
shaidā-e-rū-e-gul na hai shaidā-e-qad-e-sarv
sayyād ke shikār haiñ is bostāñ meñ ham
shaida-e-ru-e-gul na hai shaida-e-qad-e-sarw
sayyaad ke shikar hain is bostan mein hum
jaan jaatī hai chalī dekh ke ye mausam-e-gul
hijar-o-furqat kā mirī jaan ye gulfām nahīñ
jaan jati hai chali dekh ke ye mausam-e-gul
hijar-o-furqat ka meri jaan ye gulfam nahin
gul kā kiyā jo chaak garebāñ bahār ne
dast-e-junūñ lage mire kapḌe utārne
gul ka kiya jo chaak gareban bahaar ne
dast-e-junun lage mere kapDe utarne
vo fasl-e-gul meñ dil ko jalā kar chale gaye
is martaba to aag lagā dī bahār ne
wo fasl-e-gul mein dil ko jala kar chale gaye
is martaba to aag laga di bahaar ne
saare aalam meñ terī ḳhushbū hai
ai mere rashk-e-gul kahāñ tū hai
sare aalam mein teri KHushbu hai
ai mere rashk-e-gul kahan tu hai
ne gul ko hai sabāt na ham ko hai e'tibār
kis baat par chaman havas-e-rañg-o-bū kareñ
ne gul ko hai sabāt na hum ko hai e'tibār
kis baat par chaman hawas-e-rañg-o-bū kareñ
kiyā sair sab ham ne gulzār-e-duniyā
gul-e-dostī meñ ajab rañg-o-bū hai
kiyā sair sab hum ne gulzār-e-duniyā
gul-e-dostī meñ ajab rañg-o-bū hai
kuchh aisā dard shor-e-qalb-e-bulbul se nikal aayā
ki vo ḳhud rañg ban kar chehra-e-gul se nikal aayā
kuchh aisa dard shor-e-qalb-e-bulbul se nikal aaya
ki wo KHud rang ban kar chehra-e-gul se nikal aaya
'āsī'-e-giryāñ milā mahbūb se
gul se shabnam jis tarah ro kar mile
'asi'-e-giryan mila mahbub se
gul se shabnam jis tarah ro kar mile
gul-rūyoñ ke ḳhayāl ne gulshan banā diyā
siina kabhī madīna kabhī karbalā huā
gul-ruyon ke KHayal ne gulshan bana diya
sina kabhi madina kabhi karbala hua
fasl-e-gul aa.ī yā ajl aa.ī kyuuñ dar-e-zindāñ khultā hai
yā koī vahshī aur aa pahuñchā yā koī qaidī chuuT gayā
fasl-e-gul aai ya ajl aai kyun dar-e-zindan khulta hai
ya koi wahshi aur aa pahuncha ya koi qaidi chuT gaya
muntazir hai aapke jalve kī nargis baaġh meñ
gul garebāñ-chāk shabnam ik tarf nam-dīd hia
muntazir hai aapke jalwe ki nargis bagh mein
gul gareban-chaak shabnam ek tarf nam-did hia
hameñ to baaġh tujh bin ḳhāna-e-mātam nazar aayā
idhar gul phāḌte the jaib rotī thī udhar shabnam
hameñ to baġh tujh bin ḳhāna-e-mātam nazar aayā
idhar gul phāḌte the jaib rotī thī udhar shabnam
kisī kā saath sonā yaad aatā hai to rotā huuñ
mire ashkoñ kī shiddat se sadā gul-takiya galtā hai
kisī kā sath sonā yaad aatā hai to rotā huñ
mere ashkoñ kī shiddat se sadā gul-takiya galtā hai
shāḳh-e-gul hiltī nahīñ ye bulbuloñ ko baaġh meñ
haath apne ke ishāre se bulātī hai bahār
shāḳh-e-gul hiltī nahīñ ye bulbuloñ ko baġh meñ
hath apne ke ishāre se bulātī hai bahār
har gul hai chāk-dāman har ġhuncha dil-e-girafta
ai bāġhbān-e-qudrat fasl-e-bahār kyā hai
har gul hai chaak-daman har ghuncha dil-e-girafta
ai baghban-e-qudrat fasl-e-bahaar kya hai
sabā kī tarah rahā meñ bhī kū-ba-kū phirtā
hamāre dil se bhī us gul kī justujū na ga.ī
saba ki tarah raha mein bhi ku-ba-ku phirta
hamare dil se bhi us gul ki justuju na gai
koī tabsira bhī kare to kyā tire pur-ḳhulūs shi.ār par
jo nasīb-e-gul hai tirā karam to nigāh-e-lutf hai ḳhaar par
koi tabsira bhi kare to kya tere pur-KHulus shiar par
jo nasib-e-gul hai tera karam to nigah-e-lutf hai KHar par
tirā vojūd hai jān-e-bahār-e-gulshan-e-chisht
tujhī se nikhat-e-har gul hai yā ġharībnavāz
tera wojud hai jaan-e-bahaar-e-gulshan-e-chisht
tujhi se nikhat-e-har gul hai ya gharibnawaz
ishq meñ tere gul khā kar jaan apnī dī hai 'nasīr' ne aah
us ke sar-e-marqad par gul rolā koī donā phūloñ kā
ishq mein tere gul kha kar jaan apnī di hai 'nasir' ne aah
us ke sar-e-marqad par gul rola koi dona phulon ka
yaad meñ us qad-o-ruḳhsār ke ai ġham-zadagāñ
jā ke Tuk baaġh meñ sair-e-gul-o-shamshād karo
yaad mein us qad-o-ruKHsar ke ai gham-zadagan
ja ke Tuk bagh mein sair-e-gul-o-shamshad karo
kis tarah hāl-e-dil kahūñ us gul se baaġh meñ
phirtī hai us ke saath to har-dam sabā lagī
kis tarah hāl-e-dil kahūñ us gul se baġh meñ
phirtī hai us ke sath to har-dam sabā lagī
lāla-o-gul se tujh ko kyā nisbat
nā-mukammal se isti.āre haiñ
lala-o-gul se tujh ko kya nisbat
na-mukammal se istiare hain
ḳhudā-hāfiz hai us gul kī kamar kā
ġhazab jhoñke chale bād-e-sahar ke
KHuda-hafiz hai us gul ki kamar ka
ghazab jhonke chale baad-e-sahar ke
hañsī ibrat bahut jab rañg-e-gul kī be-sabātī ne
chaman meñ andalīb-e-sāda-dil ko shādmāñ paayā
hansi ibrat bahut jab rang-e-gul ki be-sabaati ne
chaman mein andalib-e-sada-dil ko shadman paya
naale bulbul ne go hazār ka.e
ek bhī gul ne par sunā hī nahīñ
nale bulbul ne go hazar kae
ek bhi gul ne par suna hi nahin
gul muraqqa.a haiñ tire chāk-garebānoñ ke
shakl ma.ashūq kī andāz haiñ dīvānoñ ke
gul muraqqa hain tere chaak-garebanon ke
shakl mashuq ki andaz hain diwanon ke
kar garebāñ chaak apnā gul namat bhuhīñ par girā
dard-e-dil bulbul sauñ sun kar o gul-e-ḳhandāñ mirā
kar gareban chaak apna gul namat bhuhin par gira
dard-e-dil bulbul saun sun kar o gul-e-KHandan mera
is mausam-e-gul hī se bahke nahīñ dīvāne
saath abr-e-bahārāñ ke vo zulf bhī lahrā.ī
is mausam-e-gul hī se bahke nahīñ dīwāne
sath abr-e-bahārāñ ke wo zulf bhī lahrāī
na huuñ parvāna-e-har-sham.a 'bedār'
fidā-e-sarv-e-gul-andām huuñ maiñ
na hun parwana-e-har-shama 'bedar'
fida-e-sarw-e-gul-andam hun main
kyā mah-o-mehr kyā gul-o-lāla
jab maiñ dekhā to jalva-gar tū hai
kya mah-o-mehr kya gul-o-lala
jab main dekha to jalwa-gar tu hai
mirā jī jaltā hai us bulbul-e-bekas kī ġhurbat par
ki jin ne aasre par gul ke chhoḌā āshiyāñ apnā
mirā jī jaltā hai us bulbul-e-bekas kī ġhurbat par
ki jin ne aasre par gul ke chhoḌā āshiyāñ apnā
dekhte the taḳhta-e-gul-hā-e-ātish kī bahār
jis tarah yaaro ḳhalīlullāh payambar aag meñ
dekhte the taKHta-e-gul-ha-e-atish ki bahaar
jis tarah yaro KHalilullah payambar aag mein
kahāñ dāman-e-husn āshiq se aTkā
gul-e-dāġh-e-ulfat meñ kāñTā nahīñ hai
kahan daman-e-husn aashiq se aTka
gul-e-dagh-e-ulfat mein kanTa nahin hai
nāz-e-gul kā shahīd hai jo 'fanā'
qabr per gulruḳhoñ kā melā hai
naz-e-gul ka shahid hai jo 'fana'
qabr per gulruKHon ka mela hai
abhī to lag na chalnā thā 'asar' us gul-badan ke saath
koī din dekhnā thā zaḳhm-e-dil be-tarh aalā thā
abhi to lag na chalna tha 'asar' us gul-badan ke sath
koi din dekhna tha zaKHm-e-dil be-tarh aala tha
kaisī bahār kaisā nasheman kahāñ ke gul
rote haiñ bāl-o-par mujhe aur bāl-o-par ko maiñ
kaisi bahaar kaisa nasheman kahan ke gul
rote hain baal-o-par mujhe aur baal-o-par ko main
gul hī tanhā na ḳhajil hai ruḳh-e-rañgīñ se tire
nargis āñkhoñ ke tire sāmne sharmātī hai
gul hī tanhā na ḳhajil hai ruḳh-e-rañgīñ se tere
nargis āñkhoñ ke tere sāmne sharmātī hai
tere dāġhoñ kī daulat ai gul-rū
ham bhī siine meñ baaġh rakhte haiñ
tere daghon ki daulat ai gul-ru
hum bhi sine mein bagh rakhte hain
are dil misl-e-bulbul chup hamesha nāla-zan hai tuuñ
kahīñ gul-pairahan gul-rū kī paayā kuchh ḳhabar hai re
are dil misl-e-bulbul chup hamesha nala-zan hai tun
kahin gul-pairahan gul-ru ki paya kuchh KHabar hai re
misl-e-gul bāhar gayā gulshan se jab vo gul-'ezār
ashk-e-ḳhūnī se merā tan tar-ba-tar hone lagā
misl-e-gul bahar gaya gulshan se jab wo gul-'ezar
ashk-e-KHuni se mera tan tar-ba-tar hone laga
sarsabz gul kī rakhe ḳhudā har ravish bahār
ai bāġhbāñ nasīb ho tujh ko balā-e-gul
sarsabz gul ki rakhe KHuda har rawish bahaar
ai baghban nasib ho tujh ko bala-e-gul
