Khushi Shayari

ḳhushī se duur huuñ nā-āshnā-e-bazm-e-ishrat huuñ

sarāpā dard huuñ vābasta-e-zanjēr-e-qismat huuñ

KHushi se dur hun na-ashna-e-bazm-e-ishrat hun

sarapa dard hun wabasta-e-zanjeer-e-qismat hun

jo kuchh bhī ḳhushī se hotā hai ye dil kā bojh na ban jaa.e

paimān-e-vafā bhī rahne do sab jhutī bāteñ hotī haiñ

jo kuchh bhi KHushi se hota hai ye dil ka bojh na ban jae

paiman-e-wafa bhi rahne do sab jhuti baaten hoti hain

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

kyā pūchhte ho mujh se mire dil kī aarzū

ab merī har ḳhushī hai tumhārī ḳhushī ke saath

kya puchhte ho mujh se mere dil ki aarzu

ab meri har KHushi hai tumhaari KHushi ke sath

har-chand faqat muḳhtār nahīñ har-chand faqat majbūr nahīñ

ik aah to bhar luuñ apnī ḳhushī itnā bhī mujhe maqdūr nahīñ

har-chand faqat muKHtar nahin har-chand faqat majbur nahin

ek aah to bhar lun apnī KHushi itna bhi mujhe maqdur nahin

vo mujh se milne ko aa.e haiñ merī maut ke bad

ḳhushī bhī mere liye ġham hai kiyā kiyā jaa.e

wo mujh se milne ko aae hain meri maut ke bad

KHushi bhi mere liye gham hai kiya kiya jae

nahīñ detā jo mai achchhā na de terī ḳhushī saaqī

pyāle kuchh hamesha taaq par rakhe nahīñ rahte

nahin deta jo mai achchha na de teri KHushi saqi

pyale kuchh hamesha taq par rakhe nahin rahte

vo bahr-e-husn shāyad baaġh meñ āvegā ai 'ehsā۔n'

ki favvāra ḳhushī se aaj do do gaz uchhaltā hai

wo bahr-e-husn shāyad baġh meñ āwegā ai 'ehsā۔n'

ki fawwāra ḳhushī se aaj do do gaz uchhaltā hai

maiñ jiyā bhī duniyā meñ aur jaan bhī de dī

ye na khul sakā lekin aap kī ḳhushī kyā thī

main jiya bhi duniya mein aur jaan bhi de di

ye na khul saka lekin aap ki KHushi kya thi

hai yahī shart bandagī ke liye

sar jhukā.ūñ terī ḳhushī ke liye

hai yahi shart bandagi ke liye

sar jhukaun teri KHushi ke liye

huā ishq se ye hameñ istifādā maze meñ vahī hai jo hai be-irāda

unhīñ kī ḳhushī meñ maze-dāriyāñ haiñ nahīñ to baḌā dukh uThānā paḌegā

hua ishq se ye hamein istifada maze mein wahi hai jo hai be-irada

unhin ki KHushi mein maze-dariyan hain nahin to baDa dukh uThana paDega

ham vasl meñ aise kho.e ga.e furqat kā zamānā bhuul ga.e

sāhil kī ḳhushī meñ maujoñ kā tūfān uThānā bhuul ga.e

hum wasl mein aise khoe gae furqat ka zamana bhul gae

sahil ki KHushi mein maujon ka tufan uThana bhul gae

ḳhushī hai sab ko roz-e-īd kī yaañ

hue haiñ mil ke bāham āshnā ḳhush

ḳhushī hai sab ko roz-e-īd kī yañ

hue haiñ mil ke bāham āshnā ḳhush

dahr-e-fānī meñ hañsī kaisī ḳhushī kyā chiiz hai

rone aa.e the yahāñ do-chār din ko ro ga.e

dahr-e-fani mein hansi kaisi KHushi kya chiz hai

rone aae the yahan do-chaar din ko ro gae

milne kī hai ḳhushī to bichhaḌne kā hai malāl

dil mutma.in bhī aap se hai be-qarār bhī

milne ki hai KHushi to bichhaDne ka hai malal

dil mutmain bhi aap se hai be-qarar bhi

ḳhushī hai zāhid kī varna saaqī ḳhayāl-e-tauba rahegā kab tak

ki terā rind-e-ḳharāb 'afqar' valī nahīñ pārsā nahīñ hai

KHushi hai zahid ki warna saqi KHayal-e-tauba rahega kab tak

ki tera rind-e-KHarab 'afqar' wali nahin parsa nahin hai

ḳhushī mahsūs kartā huuñ na ġham mahsūs kartā huuñ

magar haañ dil meñ kuchh kuchh zer-o-bam mahsūs kartā huuñ

ḳhushī mahsūs kartā huñ na ġham mahsūs kartā huñ

magar hañ dil meñ kuchh kuchh zer-o-bam mahsūs kartā huñ

kahīñ raushnī kahīñ tīrgī jo kahīñ ḳhushī to kahīñ ġhamī

terī bazm meñ hameñ daḳhl kyā tire ehtimām kī baat hai

kahin raushni kahin tirgi jo kahin KHushi to kahin ghami

teri bazm mein hamein daKHl kya tere ehtimam ki baat hai

tamannā do diloñ kī ek hī ma.alūm hotī hai

ab un kī har ḳhushī apnī ḳhushī ma.alūm hotī hai

tamanna do dilon ki ek hi malum hoti hai

ab un ki har KHushi apnī KHushi malum hoti hai

merī ḳhushī ḳhushī nahīñ merā alam alam nahīñ

mujh ko hañsā gayā koī mujh ko rulā gayā koī

meri KHushi KHushi nahin mera alam alam nahin

mujh ko hansa gaya koi mujh ko rula gaya koi

pahle to ḳhuun merā bahāyā ḳhushī ḳhushī

phir kyā vo ḳhud hī soche ki pachhtā ke rah ga.e

pahle to KHun mera bahaya KHushi KHushi

phir kya wo KHud hi soche ki pachhta ke rah gae

tere mizāj meñ ek din bhī barhamī na huī

ḳhushī kī baat thī lekin mujhe ḳhushī na huī

tere mizaj mein ek din bhi barhami na hui

KHushi ki baat thi lekin mujhe KHushi na hui

hinā kī tarah agar dastaras mujhe hotī

to kis ḳhushī se tire paañv meñ lagā kartā

hinā kī tarah agar dastaras mujhe hotī

to kis ḳhushī se tere pañw meñ lagā kartā

maiñ huuñ ek āshiq-e-be-navā tū navāz apne payām se

ye tirī razā pe tirī ḳhushī tū pukār le kisī naam se

maiñ huñ ek āshiq-e-be-nawā tū nawāz apne payām se

ye tirī razā pe tirī ḳhushī tū pukār le kisī nam se

jabīn-e-yār se afshāñ kī dekhī zarra-e-afshānī

ḳhushī ke phuul jhaḌte haiñ charāġh-e-anvar se

jabin-e-yar se afshan ki dekhi zarra-e-afshani

KHushi ke phul jhaDte hain charagh-e-anwar se

kidhar kī ḳhushī kahāñ kī shādī

jab dil se havas hī sab uḌā dī

kidhar ki KHushi kahan ki shadi

jab dil se hawas hi sab uDa di

ḳhushī se paañv phailāte haiñ kyā kyā kunj-e-turbat meñ

ajab lazzat hai tire haath se qātil shahādat meñ

KHushi se panw phailate hain kya kya kunj-e-turbat mein

ajab lazzat hai tere hath se qatil shahadat mein

ḳhushī se choT khāne kā mazā yā kaif-e-jāñ-sozī

koī jāñ-soz pervāva yā koī dil-jalā jaane

KHushi se choT khane ka maza ya kaif-e-jaan-sozi

koi jaan-soz perwawa ya koi dil-jala jaane

ġham-e-jānāñ se dil mānūs jab se ho gayā mujh ko

hañsī achchhī nahīñ lagtī ḳhushī achchhī nahīñ lagtī

gham-e-jaanan se dil manus jab se ho gaya mujh ko

hansi achchhi nahin lagti KHushi achchhi nahin lagti

zamāna hech hai apnī nazar meñ

zamāne kī ḳhushī kyā aur ġham kyā

zamana hech hai apni nazar mein

zamane ki KHushi kya aur gham kya

shaad ke naam se har rañj-o-ḳhushī ho ke 'riyāz'

sadr-e-āzam ko shab-o-roz duā detā hai

shad ke nam se har ranj-o-KHushi ho ke 'riyaz'

sadr-e-azam ko shab-o-roz dua deta hai

iid se bhī kahīñ baḌh kar hai ḳhushī aalam meñ

jab se mash.hūr huī hai ḳhabar-e-āmad-e-yār

id se bhi kahin baDh kar hai KHushi aalam mein

jab se mashhur hui hai KHabar-e-amad-e-yar

ḳhushī se ḳhatm kar le saḳhtiyāñ qaid-e-farañg apnī

ki ham āzād haiñ begāna-e-ranj-e-dil-āzārī

KHushi se KHatm kar le saKHtiyan qaid-e-farang apni

ki hum aazad hain begana-e-ranj-e-dil-azari

bad-mizājī nā-ḳhushī āzurdagī kis vāste

gar bure ham haiñ to ho jiye aur se jā āshnā

bad-mizājī nā-ḳhushī āzurdagī kis wāste

gar bure hum haiñ to ho jiye aur se jā āshnā

tirī ḳhushī se agar ġham meñ bhī ḳhushī na huī

vo zindagī to mohabbat kī zindagī na huī

teri KHushi se agar gham mein bhi KHushi na hui

wo zindagi to mohabbat ki zindagi na hui

aag lagī vo ishaq kī sar se maiñ paañv tak jalā

fart-e-ḳhushī se dil mirā kahne lagā jo ho so ho

aag lagi wo ishaq ki sar se main panw tak jala

fart-e-KHushi se dil mera kahne laga jo ho so ho

kuchh fikr tumheñ uqbā kī nahīñ 'ahqar' ye baḌī nādānī hai

duniyā kī ḳhushī kyā iizā kyā ye hādis hai vo faanī hai

kuchh fikr tumhein uqba ki nahin 'ahqar' ye baDi nadani hai

duniya ki KHushi kya iza kya ye hadis hai wo fani hai

be-ḳhudī gar ho ḳhud to aa ke mile

ai ḳhudā be-ḳhudī ajab shai hai

be-ḳhudī gar ho ḳhud to aa ke mile

ai ḳhudā be-ḳhudī ajab shai hai

jab aag dhadaktī ho us par mat chīTiyo tel ḳhudā rā tum

kyā dil kī ḳhushī ko pūchho ho ai yaaro ik nāshād satī

jab aag dhadakti ho us par mat chiTiyo tel KHuda ra tum

kya dil ki KHushi ko puchho ho ai yaro ek nashad sati

aish-o-ishrat vasl-o-rāhat sab ḳhushī meñ sharīk

be-kasī meñ aah koī pūchhne vaalā nahīñ

aish-o-ishrat wasl-o-rahat sab KHushi mein sharik

be-kasi mein aah koi puchhne wala nahin

bār-e-ajal uThā.e jo koī ḳhushī ḳhushī

tāqat ye kis meñ hai tere bīmār ke sivā

bar-e-ajal uThae jo koi KHushi KHushi

taqat ye kis mein hai tere bimar ke siwa

hasrat-o-armāñ kā dil se har nishāñ jaatā rahe

jis meñ ho terī razā merī ḳhushī aisī to ho

hasrat-o-arman ka dil se har nishan jata rahe

jis mein ho teri raza meri KHushi aisi to ho

ḳhushī se vo hamārī har ḳhushī pāmāl kar Dāleñ

jahāñ tak hai ḳhushī un kī vahāñ tak hai ḳhushī apnī

KHushi se wo hamari har KHushi pamal kar Dalen

jahan tak hai KHushi un ki wahan tak hai KHushi apni

ha.sī kahāñ mazāq kahāñ dil-lagī kahāñ

vo josh-e-irtibāt kahāñ vo ḳhushī kahāñ

hasi kahan mazaq kahan dil-lagi kahan

wo josh-e-irtibaat kahan wo KHushi kahan

garche kaifiyat ḳhushī meñ us kī hotī hai do-chand

par qayāmat lutf rakhtī hai ye jhuñjhlāne kī tarah

garche kaifiyat KHushi mein us ki hoti hai do-chand

par qayamat lutf rakhti hai ye jhunjhlane ki tarah

vo kaun hai duniyā meñ jise ġham nahīñ hotā

kis ghar meñ ḳhushī hotī hai mātam nahīñ hotā

wo kaun hai duniya mein jise gham nahin hota

kis ghar mein KHushi hoti hai matam nahin hota

hamārī turbat pe tum jo aanā to saath aġhyār ko na laanā

ḳhushī ke sadme hameñ na denā hamāre ġham kī ḳhushī na karnā

hamari turbat pe tum jo aana to sath aghyar ko na lana

KHushi ke sadme hamein na dena hamare gham ki KHushi na karna

tire karam kā sazā-vār to nahīñ 'hasrat'

ab aage terī ḳhushī hai sarfarāz kare

tere karam ka saza-war to nahin 'hasrat'

ab aage teri KHushi hai sarfaraaz kare

raat thoḌī sī hai bas jaane de mil hañs kar bol

nā-ḳhushī tā-ba-kujā sub.h huī jaatī hai

raat thoḌī sī hai bas jaane de mil hañs kar bol

nā-ḳhushī tā-ba-kujā subh huī jatī hai

dil meñ jigar meñ āñkhoñ meñ rahiye ḳhushī se aap

phir ye na kahiyegā koī miltā makāñ nahīñ

dil mein jigar mein aankhon mein rahiye KHushi se aap

phir ye na kahiyega koi milta makan nahin