عاشق ہزاروں صورت پروانہ گر پڑے

الٹی نقاب رخ سے جو محفل میں یار نے

قتل کچھ عاشق ہوئے مقتل میں اس کے ہاتھ سے

کچھ پھرے مایوس اور شوق شہادت لے چلے

عاشقوں کو پھر قضا آئی قیامت ہو گئی

پھر سمند ناز کو اس ترک نے جولاں کیا

دل کا عالم عاشقی میں کیا کہوں کیا ہو گیا

رنج سہتے سہتے پتھر کا کلیجہ ہو گیا

اوگھٹؔ جہاں میں اب دل و دیں پوچھتا ہے کون

عاشق کا ان بتوں میں کوئی قدر داں نہیں

وہ رہے آنکھوں میں میری میں نہ دیکھوں غیر کو

یہ ہمارے اور ان کے عہد و پیماں ہو گیا

بتوں کا عشق ہوا جب نصیب واعظ

کہ مدتوں کیا پہلے خدا خدا ہم نے

گر پڑے غش کھا کے عاشق اور مردے جی اٹھے

دو قدم جب وہ چلے یہ حشر برپا ہو گیا

کریں آہ و فغاں پھوڑیں پھپھولے اس طرح دل کے

ارادہ ہے کہ روئیں عید کے دن بھی گلے مل کے

کریں آہ و فغاں پھوڑیں پھپھولے اس طرح دل کے

ارادہ ہے کہ روئیں عید کے دن بھی گلے مل کے

تجھے دیکھ او بت خوش ادا پھری آنکھ ساری خدائی سے

وہ جو یاد رہتی تھی صورتیں انہیں صاف دل سے بھلا دیا

کوئے جاناں بھی نہ چھوڑا خانہ ویرانی کے بعد

دیکھنا ہے اب کہاں یہ آسماں لے جائے گا