Aasman Shayari

duā lab pe aatī hai dil se nikal kar

zamīñ se pahuñchtī hai baat āsmāñ tak

dua lab pe aati hai dil se nikal kar

zamin se pahunchti hai baat aasman tak

jab qadam rakhā zamīñ par āsmāñ par jā paḌā

bārhā ham ne kiyā hai imtihān-e-kū-e-dost

jab qadam rakha zamin par aasman par ja paDa

barha hum ne kiya hai imtihan-e-ku-e-dost

us sarvar-e-dīñ par jaan fidā kī jis ne namāz-e-ishq adā

talvāroñ kī jhankāroñ meñ aur tīroñ kī bauchhāroñ meñ

us sarwar-e-din par jaan fida ki jis ne namaz-e-ishq ada

talwaron ki jhankaron mein aur tiron ki bauchhaaron mein

zamīñ se āsmāñ tak āsmāñ se lā-makāñ tak hai

ḳhudā jaane hamāre ishq kī duniyā kahāñ tak hai

zamin se aasman tak aasman se la-makan tak hai

KHuda jaane hamare ishq ki duniya kahan tak hai

zamīñ hai āsmāñ bhī us ke aage

ajab bartar madīne kī zamīñ hai

zamin hai aasman bhi us ke aage

ajab bartar madine ki zamin hai

vo chamkā chāñd chhaTkī chāñdnī taare nikal aa.e

vo kyā aa.e zamīñ par āsmāñ ne phuul barsā.e

wo chamka chand chhaTki chandni tare nikal aae

wo kya aae zamin par aasman ne phul barsae

agar chāhūñ nizām-e-dahr ko zer-o-zabar kar duuñ

mire jazbāt kā tūfāñ zamīñ se āsmāñ tak hai

agar chahun nizam-e-dahr ko zer-o-zabar kar dun

mere jazbaat ka tufan zamin se aasman tak hai

yahī jo saudā hai mujh hazīñ kā patā kahāñ kū-e-nāznīñ kā

ġhubār-āsā nahīñ kahīñ kā na āsmāñ kā na maiñ zamīñ kā

yahī jo sauda hai mujh hazin ka pata kahan ku-e-naznin ka

ghubar-asa nahin kahin ka na aasman ka na main zamin ka

shab-e-ġham dekhtā huuñ uTh ke har baar

vahī hai yā koī aur āsmāñ hai

shab-e-gham dekhta hun uTh ke har bar

wahi hai ya koi aur aasman hai

zarre ko le ke phirtā hai ye āsmān meñ

hai 'ishq se 'azīm koī shai jahān meñ

zarre ko le ke phirta hai ye aasman mein

hai 'ishq se 'azim koi shai jahan mein

mujhe nāshād kar ke āsmāñ rāhat na pā.egā

mujhe barbād kar ke ḳhaak chhāneī zamīñ barsoñ

mujhe nashad kar ke aasman rahat na paega

mujhe barbaad kar ke KHak chhanei zamin barson

jo zamīñ par farāġh rakhte haiñ

āsmāñ par dimāġh rakhte haiñ

jo zamin par faragh rakhte hain

aasman par dimagh rakhte hain

nikal kar tere kūche se guzar merā jahāñ hogā

hazāroñ āsmāñ hoñge vahāñ ek āsmāñ hogā

nikal kar tere kuche se guzar mera jahan hoga

hazaron aasman honge wahan ek aasman hoga

ye aaheñ haiñ merī ye naale haiñ mere

jinheñ āsmāñ āsmāñ dekhte haiñ

ye aahen hain meri ye nale hain mere

jinhen aasman aasman dekhte hain

jab nazar us kī paḌī ham āsmāñ se gir paḌe

us ke phirte hī jahāñ ye ham se saarā phir gayā

jab nazar us ki paDi hum aasman se gir paDe

us ke phirte hi jahan ye hum se sara phir gaya

bas meñ tire zamīñ hai qabze meñ āsmāñ hai

ai do-jahāñ ke mālik merā nishāñ kahāñ hai

bas mein tere zamin hai qabze mein aasman hai

ai do-jahan ke malik mera nishan kahan hai

bāġh-e-ālam meñ hameñ phūlne-phalne na diyā

āsmāñ ne koī armāñ nikalne na diyā

bagh-e-alam mein hamein phulne-phalne na diya

aasman ne koi arman nikalne na diya

rā.egāñ 'hasrat' na jā.egā mirā musht-e-ġhubār

kuchh zamīñ le jā.egī kuchh āsmāñ le jā.egā

raegan 'hasrat' na jaega mera musht-e-ghubar

kuchh zamin le jaegi kuchh aasman le jaega

vo kyuuñ bigḌe mire shor-e-fuġhāñ se

shikāyat un se thī yā āsmāñ se

wo kyun bigDe mere shor-e-fughan se

shikayat un se thi ya aasman se

'riyāz' maut hai is shart se hameñ manzūr

zamīñ satā.e na marne pe āsmāñ kī tarah

'riyaz' maut hai is shart se hamein manzur

zamin satae na marne pe aasman ki tarah

vo lahar huuñ jo pyaas bujhā.e zamīn kī

chamke jo āsmāñ pe vo patthar nahīñ huuñ maiñ

wo lahar hun jo pyas bujhae zamin ki

chamke jo aasman pe wo patthar nahin hun main

sargarm-e-qatl kab but-e-nā-mehrabāñ nahīñ

pyāsā mire lahū kā faqat āsmāñ nahīñ

sargarm-e-qatl kab but-e-na-mehraban nahin

pyasa mere lahu ka faqat aasman nahin

dil to aur hī makāñ meñ phirtā hai

na zamīñ hai na āsmāñ hai yaad

dil to aur hi makan mein phirta hai

na zamin hai na aasman hai yaad

dekh kar āsmāñ ko ham to zamīñ meñ gaḌ ga.e

jab na kahīñ jagah milī aap kī bazm-e-nāz meñ

dekh kar aasman ko hum to zamin mein gaD gae

jab na kahin jagah mili aap ki bazm-e-naz mein

tirī raah meñ jo fanā hue kahūñ kyā jo un kā maqām hai

na ye āsmān hai na ye zamīñ na ye sub.h hai na ye shaam hai

teri rah mein jo fana hue kahun kya jo un ka maqam hai

na ye aasman hai na ye zamin na ye subh hai na ye sham hai

ārām ho sukūn ho saare jahān ko

jumbish na ho zamīñ kī tarah āsmān ko

aaram ho sukun ho sare jahan ko

jumbish na ho zamin ki tarah aasman ko

ishq-e-lā-mahdūd jab tak rahnumā hotā nahīñ

zindagī se zindagī kā haq adā hotā nahīñ

ishq-e-la-mahdud jab tak rahnuma hota nahin

zindagi se zindagi ka haq ada hota nahin

kū-e-jānāñ bhī na chhoḌā ḳhāna-vīrānī ke ba.ad

dekhnā hai ab kahāñ ye āsmāñ le jā.egā

ku-e-jaanan bhi na chhoDa KHana-virani ke baad

dekhna hai ab kahan ye aasman le jaega

aTkī huī hai koī nazar āsmān par

ai shab zarā sī der Thahar āsmān par

aTki hui hai koi nazar aasman par

ai shab zara si der Thahar aasman par

زمیں کے سر پہ کھلا آسمان رہنے دے

خدا کے واسطے امن و امان رہنے دے