hijr kī jo musībateñ arz kiiñ us ke sāmne
nāz-o-adā se muskurā kahne lagā jo ho so ho
hijr ki jo musibaten arz kin us ke samne
naz-o-ada se muskura kahne laga jo ho so ho
kuchh is adā se aaj vo pahlū-nashīñ rahe
jab tak hamāre paas rahe ham nahīñ rahe
kuchh is ada se aaj wo pahlu-nashin rahe
jab tak hamare pas rahe hum nahin rahe
ḳhanjar kaisā faqat adā se
taḌpā taḌpā ke maar Daalā
KHanjar kaisa faqat ada se
taDpa taDpa ke mar Dala
sanam kā nāz-o-andāz-o-adā kyā
faqīr-e-vārsī kā mudda.ā kyā
sanam ka naz-o-andaz-o-ada kya
faqir-e-warsi ka muddaa kya
is adā se maiñ ne dekhe daaġh apne ḳhuun ke
ik tamāshā roz-e-mahshar un kā dāmāñ ho gayā
is ada se main ne dekhe dagh apne KHun ke
ek tamasha roz-e-mahshar un ka daman ho gaya
adā se haath uThne meñ gul rākhī jo hilte haiñ
kaleje dekhne vāloñ ke kyā kyā aah chhilte haiñ
ada se hath uThne mein gul rakhi jo hilte hain
kaleje dekhne walon ke kya kya aah chhilte hain
dilrubā.ī kī adā yuuñ na kisī ne paa.ī
mere sarkār se pahle mire sarkār ke ba.ad
dilrubai ki ada yun na kisi ne pai
mere sarkar se pahle mere sarkar ke baad
maiñ na mānūñgā ki dī aġhyār ne tarġhīb-e-qatl
dushmanoñ se dostī kā haq adā kyūñkar huā
main na manunga ki di aghyar ne targhib-e-qatl
dushmanon se dosti ka haq ada kyunkar hua
mirā sajda-e-mohabbat kabhī is tarah adā ho
ki mirī jabīñ jhuke jab na uThe tumhāre dar se
mera sajda-e-mohabbat kabhi is tarah ada ho
ki meri jabin jhuke jab na uThe tumhaare dar se
'muztar' us ne savāl-e-ulfat par
kis adā se kahā ḳhudā na kare
'muztar' us ne sawal-e-ulfat par
kis ada se kaha KHuda na kare
ham gulshan-e-fitrat se jiine kī adā leñge
shāḳhoñ se lachak leñge kāñToñ se anā leñge
hum gulshan-e-fitrat se jine ki ada lenge
shaKHon se lachak lenge kanTon se ana lenge
uf-re bād-e-josh-e-javānī aañkh na un kī uThtī thī
mastāna har ek adā thī har ishva mastāna thā
uf-re baad-e-josh-e-jawani aankh na un ki uThti thi
mastana har ek ada thi har ishwa mastana tha
hasīnoñ meñ vo gul sab se judā hai apnī rañgat kā
adā kā naaz kā ishva kā shoḳhī kā sharārat kā
hasinon mein wo gul sab se juda hai apni rangat ka
ada ka naz ka ishwa ka shoKHi ka shararat ka
ik vo ki be-kahe hameñ detā hai ne.amateñ
ik ham ki ham se shukr adā bhī na ho sake
ek wo ki be-kahe hamein deta hai neamaten
ek hum ki hum se shukr ada bhi na ho sake
jab tumhīñ tum ho har adā merī
phir bhalā mujh se kab judā ho tum
jab tumhin tum ho har ada meri
phir bhala mujh se kab juda ho tum
tirī mahfil meñ jo aayā ba-andāz-e-ajab aayā
koī lailā-adā aayā koī majnūñ-laqab aayā
teri mahfil mein jo aaya ba-andaz-e-ajab aaya
koi laila-ada aaya koi majnun-laqab aaya
ye ādāb-e-mohabbat hai tire qadmoñ pe sar rakh duuñ
ye terī ik adā hai pher kar muñh muskurā denā
ye aadab-e-mohabbat hai tere qadmon pe sar rakh dun
ye teri ek ada hai pher kar munh muskura dena
ġhazab hai adā chashm-e-jādū-asar meñ
ki dil pis gayā bas nazar hī nazar meñ
ghazab hai ada chashm-e-jadu-asar mein
ki dil pis gaya bas nazar hi nazar mein
mirā sar kaT ke maqtal meñ gire qātil ke qadmoñ par
dam-e-āḳhir adā yuuñ sajda-e-shukrāna ho jaa.e
mera sar kaT ke maqtal mein gire qatil ke qadmon par
dam-e-aKHir ada yun sajda-e-shukrana ho jae
gar mile ik baar mujh ko vo parī-vash kaj-adā
us ko zāhir kar dikhā.ūñ dil kā matlab dil kī baat
gar mile ek bar mujh ko wo pari-wash kaj-ada
us ko zahir kar dikhaun dil ka matlab dil ki baat
vo āñkheñ vo zulfeñ vo ruḳh vo ġhamze vo nāz-o-adā
kis ne asīr-e-dām kiyā ham ḳhud hī asīr-e-dām hue
wo aankhen wo zulfen wo ruKH wo ghamze wo naz-o-ada
kis ne asir-e-dam kiya hum KHud hi asir-e-dam hue
har ik adā ko tirī lā-javāb kahte haiñ
sitam ko bhī karam-e-be-hisāb kahte haiñ
har ek ada ko teri la-jawab kahte hain
sitam ko bhi karam-e-be-hisab kahte hain
vo pahlī sab vafā.eñ kyā huiiñ ab ye jafā kaisī
vo pahlī sab adā.eñ kyā huiiñ ab ye adā kyuuñ hai
wo pahli sab wafaen kya huin ab ye jafa kaisi
wo pahli sab adaen kya huin ab ye ada kyun hai
vo adā-shanās-e-ḳhizāñ huuñ maiñ vo mizāj-dān-e-bahār huuñ
na hai e'tibār-e-ḳhizāñ mujhe na yaqīn fasl-e-bahār par
wo ada-shanas-e-KHizan hun main wo mizaj-dan-e-bahaar hun
na hai e'tibar-e-KHizan mujhe na yaqin fasl-e-bahaar par
ishq har-ān na.ī shān-e-nazar rakhtā hai
ġhamza-o-ishva-o-andāz-o-adā kuchh bhī nahīñ''
ishq har-an nai shan-e-nazar rakhta hai
ghamza-o-ishwa-o-andaz-o-ada kuchh bhi nahin
vo rahe ḳhush ham se 'mardāñ' aur kabhī nā-ḳhush rahe
dil meñ ham ko har adā un kī magar bhātī rahī
wo rahe KHush hum se 'mardan' aur kabhi na-KHush rahe
dil mein hum ko har ada un ki magar bhati rahi
tujhe dekh o but-e-ḳhush-adā phirī aañkh saarī ḳhudā.ī se
vo jo yaad rahtī thī sūrateñ unheñ saaf dil se bhulā diyā
tujhe dekh o but-e-KHush-ada phiri aankh sari KHudai se
wo jo yaad rahti thi suraten unhen saf dil se bhula diya
kuchh bhīgī tālaiñ holī kī kujh naaz adā ke Dhañg bhare
dil bhūle dekh bahāroñ ko aur kānoñ meñ āhañg bhare
kuchh bhigi talain holi ki kujh naz ada ke Dhang bhare
dil bhule dekh bahaaron ko aur kanon mein aahang bhare
ishq terā jo ai dilrubā ho gayā
thā jo qismat kā likhā adā ho gayā
ishq tera jo ai dilruba ho gaya
tha jo qismat ka likha ada ho gaya
batā kar shoḳhiyāñ us ko adā kī
Duboī ham ne qismat mudda.ā kī
bata kar shoKHiyan us ko ada ki
Duboi hum ne qismat muddaa ki
aañsū bahā ke dīda-e-jādū-tarāz se
dikhlā ke ik adā nigah-e-fitna-sāz se
aansu baha ke dida-e-jadu-taraaz se
dikhla ke ek ada nigah-e-fitna-saz se
har naaz tirā ye kahtā hai har ek adā se zāhir hai
kahne ko tirā āshiq huuñ magar tū aur nahīñ maiñ aur nahīñ
har naz tera ye kahta hai har ek ada se zahir hai
kahne ko tera aashiq hun magar tu aur nahin main aur nahin
dilrubā.ī kā bhī kuchh kuchh Dhab unheñ aane lagā
baat matlab kī ishāroñ meñ adā karne lage
dilrubai ka bhi kuchh kuchh Dhab unhen aane laga
baat matlab ki ishaaron mein ada karne lage
har sūrat-e-marg-o-zīst apnī hai judā
us lab ne jilāyā thā adā ne maarā
har surat-e-marg-o-zist apnī hai juda
us lab ne jilaya tha ada ne mara
kyā jāniye kyā ho gayā arbāb-e-junūñ ko
marne kī adā yaad na jiine kī adā yaad
kya jaaniye kya ho gaya arbab-e-junun ko
marne ki ada yaad na jine ki ada yaad
gadā.ī meñ milī shāhī mujhe us kī ināyat se
bhalā kyūñkar adā ho shukr us ke lutf-e-be-had kā
gadai mein mili shahi mujhe us ki inayat se
bhala kyunkar ada ho shukr us ke lutf-e-be-had ka
adā ġhamze karishme ishve haiñ bikhre hue har-sū
saf-e-maqtal meñ yā qātil hai yā andāz-e-qātil hai
ada ghamze karishme ishwe hain bikhre hue har-su
saf-e-maqtal mein ya qatil hai ya andaz-e-qatil hai
maarā hai 'bayāñ' ko jin ne ai shoḳh
kyā jāniye kaun sī adā thī
mara hai 'bayan' ko jin ne ai shoKH
kya jaaniye kaun si ada thi
adā-o-nāz-e-qātil huuñ kabhī andāz-e-bismil huuñ
kahīñ maiñ ḳhanda-e-gul huuñ kahīñ soz-e-anādil huuñ
ada-o-naz-e-qatil hun kabhi andaz-e-bismil hun
kahin main KHanda-e-gul hun kahin soz-e-anadil hun
har adā naaz meñ hai nok-chauk us ke 'firāq'
khub ga.ī jī meñ hamāre yaar kī bāñkī tarah
har ada naz mein hai nok-chauk us ke 'firaq'
khub gai ji mein hamare yar ki banki tarah
maiñ ne chheḌā to kis adā se kahā
kuchh sunoge mirī zabāñ se aaj
main ne chheDa to kis ada se kaha
kuchh sunoge meri zaban se aaj
ishq se phir ḳhatra-e-tark-e-vafā hone lagā
phir fareb-e-husn sargarm-e-adā hone lagā
ishq se phir KHatra-e-tark-e-wafa hone laga
phir fareb-e-husn sargarm-e-ada hone laga
mujh se adā huā hai 'jigar' justujū kā haq
har zarre ko gavāh kiye jā rahā huuñ maiñ
mujh se ada hua hai 'jigar' justuju ka haq
har zarre ko gawah kiye ja raha hun main
nirāle kī nirālī har adā hai
jidhar dekho udhar jalva-numā hai
nirale ki nirali har ada hai
jidhar dekho udhar jalwa-numa hai
'ishq vahī taḌap vahī husn vahī adā vahī
husn kī ibtidā vahī 'ishq kī intihā vahī
'ishq wahi taDap wahi husn wahi ada wahi
husn ki ibtida wahi 'ishq ki intiha wahi
kisī kī teġh-e-adā ne qazā kā kaam kiyā
hameñ tamām kiyā apnā ḳhuub naam kiyā
kisi ki tegh-e-ada ne qaza ka kaam kiya
hamein tamam kiya apna KHub nam kiya
hai har adā meñ us kī ik jazb-e-kibriyā.ī
tasvīr se hai zāhir andāz-e-dil-rubā.ī
hai har ada mein us ki ek jazb-e-kibriyai
taswir se hai zahir andaz-e-dil-rubai
ḳhud adā martī hai jis par vo adā kuchh aur hai
hai vafā bhī jis pe sadqe vo jafā kuchh aur hai
KHud ada marti hai jis par wo ada kuchh aur hai
hai wafa bhi jis pe sadqe wo jafa kuchh aur hai
ye jānñe ko ki ham kis adā pe marte haiñ
jahāñ meñ terī har-har adā kā naam huā
ye jaanne ko ki hum kis ada pe marte hain
jahan mein teri har-har ada ka nam hua
aaj ik aur baras biit gayā us ke baġhair
jis ke hote hue hote the zamāne mere
