mujhī ko dekh leñ ab tere dekhne vaale
tū ā.īna hai mirā terā ā.īnā huuñ maiñ
mujhi ko dekh len ab tere dekhne wale
tu aaina hai mera tera aaina hun main
jise dekhā yahāñ hairān dekhā
ye kaise ā.īna-ḳhāna banāyā
jise dekha yahan hairan dekha
ye kaise aaina-KHana banaya
kar ke siñghār aa.e vo aisī adā ke saath
ā.īna un ko dekh kar hairān ho gayā
kar ke siñghār aae wo aisī adā ke sath
āīna un ko dekh kar hairān ho gayā
aap apne dekhne ke vāste
ham ko ā.īna banāyā yaar ne
aap apne dekhne ke waste
hum ko aaina banaya yar ne
zindagī hai ma.asiyat kā ā.īna
phir bhī us par naaz kuchh hai to sahī
zindagi hai masiyat ka aaina
phir bhi us par naz kuchh hai to sahi
aap dekhā us ne apne aap ko
ham ko ā.īna banāyā yaar ne
aap dekha us ne apne aap ko
hum ko aaina banaya yar ne
tū ne apnā jalva dikhāne ko jo naqāb muñh se uThā diyā
vahīñ hairat-e-be-ḳhudī ne mujhe ā.īna sā dikhā diyā
tu ne apna jalwa dikhane ko jo naqab munh se uTha diya
wahin hairat-e-be-KHudi ne mujhe aaina sa dikha diya
mirī 'hairat' mohabbat ho mohabbat aap kī 'hairat'
yahī ā.īna-dārī āḳhirash roz-e-yaqīñ aa.e
meri 'hairat' mohabbat ho mohabbat aap ki 'hairat'
yahi aaina-dari aaKHirash roz-e-yaqin aae
ā.īna ru ke sāmne ham ban ke ā.īna
hairāniyoñ ka ek tmasha karen.ge ham
aaina ru ke samne hum ban ke aaina
hairaniyon ka ek tmasha karenge hum
mujh ko tāḳhīr kā shikvah nahīñ haañ aur suno
ā.īna terā hai zulf terī shāna terā
mujh ko taKHir ka shikwah nahin han aur suno
aaina tera hai zulf teri shana tera
gah yaar banā gaah banā sūrat-e-aġhyār
apnā hī banā ā.īna apnā hī prastār
gah yar bana gah bana surat-e-aghyar
apna hi bana aaina apna hi prastar
dekheñ ḳhush ho ke na kyuuñ aap tamāshā apnā
ā.īna apnā hai aks apnā hai jalva apnā
dekhen KHush ho ke na kyun aap tamasha apna
aaina apna hai aks apna hai jalwa apna
ik chehre se pyaar karūñ maiñ ik se ḳhauf lage hai mujh ko
ik chehra ik ā.īna hai ik chehra patthar lagtā hai
ek chehre se pyar karun main ek se KHauf lage hai mujh ko
ek chehra ek aaina hai ek chehra patthar lagta hai
na hotā ā.īna hargiz muqābil
tū apnā husn chamkāyā to hotā
na hota aaina hargiz muqabil
tu apna husn chamkaya to hota
ā.īna āb-e-tamavvuj se bahā jaatā hai
kahiye tasvīr se girnā na kahīñ dekh sambhal
aaina aab-e-tamawwuj se baha jata hai
kahiye taswir se girna na kahin dekh sambhal
hotā na agar us ke tamāshe meñ tahayyur
hairat se maiñ ā.īna-e-namat-e-dañg na hotā
hota na agar us ke tamashe mein tahayyur
hairat se main aaina-e-namat-e-dang na hota
har shai ko merī ḳhātir-e-nāshād ke liye
ā.īna-e-jamāl banā kar chale ga.e
har shai ko meri KHatir-e-nashad ke liye
aaina-e-jamal bana kar chale gae
samā.e haiñ apne nigāhoñ meñ aise
jab ā.īna dekhā hai hairāñ hue haiñ
samae hain apne nigahon mein aise
jab aaina dekha hai hairan hue hain
jo dekhā aks ā.īna meñ apnā bole jhinjhlā kar
are haT kaun hai tū sāmne se kiyoñ maqābil hai
jo dekha aks aaina mein apna bole jhinjhla kar
are haT kaun hai tu samne se kiyon maqabil hai
merī hastī hai ā.īna tere ruḳh kī tajallī kā
zamāne par ayaañ terī haqīqat hotī jaatī hai
meri hasti hai aaina tere ruKH ki tajalli ka
zamane par ayan teri haqiqat hoti jati hai
soz-e-ġham dekh na barbād ho hāsil merā
dil kī tasvīr hai har ā.īna-e-dil merā
soz-e-gham dekh na barbaad ho hasil mera
dil ki taswir hai har aaina-e-dil mera
kuchh ufuq hai nūr-āgīñ kuchh shafaq hai laal laal
zarra zarra ā.īna hai husn-rū-e-ḳhāk kā
kuchh ufuq hai nur-agin kuchh shafaq hai lal lal
zarra zarra aaina hai husn-ru-e-KHak ka
hairat-e-ishq mirī husn kā ā.īna hai
dekhne vaale kahāñ se haiñ kahāñ tak pahuñche
hairat-e-ishq mirī husn kā āīna hai
dekhne wale kahāñ se haiñ kahāñ tak pahuñche
karishmā-sāzi-e-husn-e-azal are tauba
mirā hī ā.īna mujh ko dikhā ke luuT liyā
karishma-sazi-e-husn-e-azal are tauba
mera hi aaina mujh ko dikha ke luT liya
huā kyā paḌā ā.īna beach meñ
ye thā kaun kis se laḌā.ī huī
hua kya paDa aaina beach mein
ye tha kaun kis se laDai hui
tumhāre husn ke ā.īna-dār ho ke rahe
nazar meñ phuul sarāpā bahār ho ke rahe
tumhaare husn ke aaina-dar ho ke rahe
nazar mein phul sarapa bahaar ho ke rahe
'ishq kī ā.īna-dārī jazba-e-kāmil meñ hai
vo mire dil meñ hai pahle se jo un ke dil meñ hai
'ishq ki aaina-dari jazba-e-kaamil mein hai
wo mere dil mein hai pahle se jo un ke dil mein hai
jī meñ aatā hai but-e-kāfir tirī puujā karūñ
ā.īna tujh ko banā.ūñ aur maiñ dekhā karūñ
ji mein aata hai but-e-kafir teri puja karun
aaina tujh ko banaun aur main dekha karun
terī sūrat kā jo ā.īna use paatā huuñ maiñ
apne dil par aap kyā kyā naaz farmātā huuñ maiñ
teri surat ka jo aaina use pata hun main
apne dil par aap kya kya naz farmata hun main
dil kī bisāt kyā thī nigāh-e-jamāl meñ
ik ā.īna thā TuuT gayā dekh-bhāl meñ
dil kī bisāt kyā thī nigāh-e-jamāl meñ
ek āīna thā TuT gayā dekh-bhāl meñ
abhī tak to ġhubār-ālūd hai ā.īna-e-hastī
jo chāheñ aap to ye ā.īna ā.īna ban jaa.e
abhi tak to ghubar-alud hai aaina-e-hasti
jo chahen aap to ye aaina aaina ban jae
us ā.īna-rū ke vasl meñ bhī mushtāq-e-bos-o-kanār rahe
ai ālam-e-hairat tere sivā ye bhī na huā vo bhī na huā
us aaina-ru ke wasl mein bhi mushtaq-e-bos-o-kanar rahe
ai aalam-e-hairat tere siwa ye bhi na hua wo bhi na hua
merī har soch ke raste meñ khaḌā hai koī
ā.īna-ḳhāne meñ tanhā.ī kahāñ se aa.e
meri har soch ke raste mein khaDa hai koi
aaina-KHane mein tanhai kahan se aae
shikast-e-ā.īna kuchh bā'is-e-malāl nahīñ
ḳhayāl ye hai ki ā.īna-gar pe kyā guzrī
shikast-e-aina kuchh ba'is-e-malal nahin
KHayal ye hai ki aaina-gar pe kya guzri
us ā.īna-rū ke ho muqābil
ma.alūm nahīñ kidhar ga.e ham
us āīna-rū ke ho muqābil
malūm nahīñ kidhar gae hum
huā hai zauq ārā.ish kā phir us husn-ārā ko
koī de de uThā kar ā.īna dast-e-sikandar meñ
hua hai zauq aaraish ka phir us husn-ara ko
koi de de uTha kar aaina dast-e-sikandar mein
huā ā.īna se iz.hār un kā rū-e-zebā hai
banā mumkin hai vājib se jo shanvā hai vo goyā hai
hua aaina se izhaar un ka ru-e-zeba hai
bana mumkin hai wajib se jo shanwa hai wo goya hai
ā.īna dikhāyā to kahā ā.īna-ruḳh ne
ā.īne ko ā.īna dikhāyā nahīñ jaatā
aaina dikhaya to kaha aaina-ruKH ne
aaine ko aaina dikhaya nahin jata
dekh tere muñh ko kuchh ā.īna hī hairāñ nahīñ
tujh ruḳh-e-raushan kī hai mahr-o-mah-e-tābāñ meñ dhuum
dekh tere munh ko kuchh aaina hi hairan nahin
tujh ruKH-e-raushan ki hai mahr-o-mah-e-taban mein dhum
vaqt-e-ārā.ish jo kī ā.īna per usne nazar
husn ḳhud kahne lagā is se hasīñ dekhā nahīñ
waqt-e-araish jo ki aaina per usne nazar
husn KHud kahne laga is se hasin dekha nahin
ā.īna dil kā un ke muqābil nahīñ rahā
ab ye charāġh raunaq-e-mahfil nahīñ rahā
aaina dil ka un ke muqabil nahin raha
ab ye charagh raunaq-e-mahfil nahin raha
masarrateñ bhī haiñ ai 'barq' ġham kā ā.īna
sukūn ko bhī to ham iztirāb kahte haiñ
masarraten bhi hain ai 'barq' gham ka aaina
sukun ko bhi to hum iztirab kahte hain
saath merā terā ai ā.īna rahtā thā
vo bhī din yaad haiñ jab sāmne tū rahtā thā
sath mera tera ai aaina rahta tha
wo bhi din yaad hain jab samne tu rahta tha
aap ne sāmne jab rakhā ā.īna
ā.īna dekhtā rah gayā ā.īna
aap ne samne jab rakha aaina
aaina dekhta rah gaya aaina
mā'lūm nahīñ rūThe haiñ kis ā.īna-rū se
paanī jo utartā nahīñ ġhunchoñ ke gulo se
ma'lum nahin ruThe hain kis aaina-ru se
pani jo utarta nahin ghunchon ke gulo se
tumhārā ā.īna-e-dil hai kuchh ġhubār-ālūd
tum apne ā.īna-e-dil ko tābdār kaaro
tumhaara aaina-e-dil hai kuchh ghubar-alud
tum apne aaina-e-dil ko tabdar karo
yās-o-hasrat kā tire ba.ad ā.īna rah jā.egā
jo bhī dekhegā mirā muñh dekhtā rah jā.egā
yas-o-hasrat ka tere baad aaina rah jaega
jo bhi dekhega mera munh dekhta rah jaega
ek aalam abhī hairat-zada kar aayā tū
phir ab ai ā.īna-ruḳhsār kahāñ jaatā hai
ek aalam abhī hairat-zada kar aayā tū
phir ab ai āīna-ruḳhsār kahāñ jatā hai
aaj ik aur baras biit gayā us ke baġhair
jis ke hote hue hote the zamāne mere
