mirā sar kaT ke maqtal meñ gire qātil ke qadmoñ par
dam-e-āḳhir adā yuuñ sajda-e-shukrāna ho jaa.e
mera sar kaT ke maqtal mein gire qatil ke qadmon par
dam-e-aKHir ada yun sajda-e-shukrana ho jae
ishq meñ āshiq kī ye me.arāj hai
qatl ho qātil kā muñh dekhā kare
ishq mein aashiq ki ye mearaj hai
qatl ho qatil ka munh dekha kare
kahāñ kā naala kahāñ kā shevan sunā.e qātil hai vaqt-e-murdan
qalam huī hai badan se gardan zabāñ pe na.ara hai āfrīñ kā
kahan ka nala kahan ka shewan sunae qatil hai waqt-e-murdan
qalam hui hai badan se gardan zaban pe nara hai aafrin ka
tirī āmādgī qātil tabassum hai mohabbat kā
tavajjoh gar nahīñ muzmar to qasd-e-imtihāñ kyuuñ ho
teri aamadgi qatil tabassum hai mohabbat ka
tawajjoh gar nahin muzmar to qasd-e-imtihan kyun ho
qātil ne pā.emāl kiyā jab se ḳhūn-e-'ishq'
sab shaġhl chhoḌ kar vo huā hai hinā-parast
qatil ne paemal kiya jab se KHun-e-'ishq'
sab shaghl chhoD kar wo hua hai hina-parast
haiñ shauq-e-zab.h meñ āshiq taḌapte murġh-e-bismil se
ajal to hai zarā kah aanā ye paiġhām qātil se
hain shauq-e-zabh mein aashiq taDapte murgh-e-bismil se
ajal to hai zara kah aana ye paigham qatil se
sadqe ai qātil tire mujh tishna-e-dīdār kī
tishnagī jaatī rahī āb-e-dam-e-shamshīr se
sadqe ai qatil tere mujh tishna-e-didar ki
tishnagi jati rahi aab-e-dam-e-shamshir se
qātil rahbar qātil rahzan
dil sā dost na dil sā dushman
qatil rahbar qatil rahzan
dil sa dost na dil sa dushman
chhurī bhī tez zālim ne na kar lī
baḌā be-rahm hai qātil hamārā
chhuri bhi tez zalim ne na kar li
baDa be-rahm hai qatil hamara
hai vo qātil qatl-e-āshiq par khaḌā
maar degā ḳhuuñ bharī talvār se
hai wo qatil qatl-e-ashiq par khaDa
mar dega KHun bhari talwar se
qātil ko hai zo'm-e-chāra-garī dard-e-nihāñ kī ḳhair nahīñ
vo mujh pe karam farmāne lage shāyad mirī jaañ kī ḳhair nahīñ
qatil ko hai zo'm-e-chaara-gari dard-e-nihan ki KHair nahin
wo mujh pe karam farmane lage shayad meri jaan ki KHair nahin
nikaltī hai sadā.eñ marhabā har zaḳhm se qātil
hameñ lazzat milī kyā jaane kyā shauq-e-shahādat meñ
nikalti hai sadaen marhaba har zaKHm se qatil
hamein lazzat mili kya jaane kya shauq-e-shahadat mein
kūcha-e-qātil meñ mujhko ghair kar laa.ī hai ye
jiite jī jannat meñ pahuñchā de qazā aisī to ho
kucha-e-qatil mein mujhko ghair kar lai hai ye
jite ji jannat mein pahuncha de qaza aisi to ho
na hotī dil meñ ulfat apnī kyuuñ qātil ke abrū kī
ki mujh ko to qatīl-e-ḳhanjar-e-saffāk honā thā
na hoti dil mein ulfat apni kyun qatil ke abru ki
ki mujh ko to qatil-e-KHanjar-e-saffak hona tha
qad-e-ḳham hai garebāñ-gīr kanThā ban ke qātil kā
magar be-tābī-e-zauq-e-shahādat ho to aisī ho
qad-e-KHam hai gareban-gir kanTha ban ke qatil ka
magar be-tabi-e-zauq-e-shahadat ho to aisi ho
adā-o-nāz-e-qātil huuñ kabhī andāz-e-bismil huuñ
kahīñ maiñ ḳhanda-e-gul huuñ kahīñ soz-e-anādil huuñ
ada-o-naz-e-qatil hun kabhi andaz-e-bismil hun
kahin main KHanda-e-gul hun kahin soz-e-anadil hun
ḳhūn-e-ushshāq se qātil ne na khelī holī
saf-e-maqtal meñ kabhī rañg uchhalne na diyā
KHun-e-ushshaq se qatil ne na kheli holi
saf-e-maqtal mein kabhi rang uchhalne na diya
nahīñ hai ye qātil taġhāful kā vaqt
ḳhabar le ki baaqī abhī jaan hai
nahin hai ye qatil taghaful ka waqt
KHabar le ki baqi abhi jaan hai
koī mar kar to dekhe imtihāñ-gāh-e-mohabbat meñ
ki zer-e-ḳhanjar-e-qātil hayāt-e-jāvedāñ tak hai
koi mar kar to dekhe imtihan-gah-e-mohabbat mein
ki zer-e-KHanjar-e-qatil hayat-e-jawedan tak hai
jis taraf kūcha-e-qātil meñ guzar hotā hai
nazar aate haiñ udhar maut ke sāmāñ mujh ko
jis taraf kucha-e-qatil mein guzar hota hai
nazar aate hain udhar maut ke saman mujh ko
ye bhī ik Dar hai kahīñ rusvā na ho qātil mirā
hashr meñ ḳhūn-e-tamannā kā agar da.avā karūñ
ye bhi ek Dar hai kahin ruswa na ho qatil mera
hashr mein KHun-e-tamanna ka agar dawa karun
nikāle hausle maqtal meñ apne bismil ke
nisār teġh ke qurbān aise qātil ke
nikale hausle maqtal mein apne bismil ke
nisar tegh ke qurban aise qatil ke
mire qātil kī jaldī ne mujhe nākām hī rakhā
tamannā dekhne kī bhī na niklī tez-dastī meñ
mere qatil ki jaldi ne mujhe nakaam hi rakha
tamanna dekhne ki bhi na nikli tez-dasti mein
imtihāñ-gāh-e-vafā meñ tū bhī chal maiñ bhī chalūñ
aaj ai shamshīr-e-qātil maiñ nahīñ yā tū nahīñ
imtihan-gah-e-wafa mein tu bhi chal main bhi chalun
aaj ai shamshir-e-qatil main nahin ya tu nahin
na tarsā unheñ āb-e-ḳhanjar ko qātil
duā.eñ tujhe deñge bismil hazāroñ
na tarsa unhen aab-e-KHanjar ko qatil
duaen tujhe denge bismil hazaron
vo zālim hai be-dard saffāk qātil
use dard-e-dil kā sunāne se hāsil
wo zalim hai be-dard saffak qatil
use dard-e-dil ka sunane se hasil
kūcha-e-qātil meñ jākar haath se rakhhe tujhe
o dil-e-be-tāb hamne isliye paalā nahīñ
kucha-e-qatil mein jakar hath se rakhhe tujhe
o dil-e-be-tab hamne isliye pala nahin
piyegī ḳhuub ai qātil ġhazab kā rañg lā.egī
lagā.ī hai jo mehñdī piis us ko ḳhūn-e-bismil meñ
piyegi KHub ai qatil ghazab ka rang laegi
lagai hai jo mehndi pis us ko KHun-e-bismil mein
miyān-e-tishnagī pyāsoñ ne aisī lazzateñ lūTīñ
ki āb-e-teġh-e-qātil be-mazā ma.alūm hotā hai
miyan-e-tishnagi pyason ne aisi lazzaten luTin
ki aab-e-tegh-e-qatil be-maza malum hota hai
teġh hī kyā haath meñ qātil ke thī
ai hinā tū bhī to saanī jā.egī
tegh hi kya hath mein qatil ke thi
ai hina tu bhi to sani jaegi
hashr meñ qātil ne dekhī hai lahū kī koi chhīñT
sū-e-dāman kyuuñ jhukī hai aañkh sharmā.ī huī
hashr mein qatil ne dekhi hai lahu ki koi chhinT
su-e-daman kyun jhuki hai aankh sharmai hui
vāh-re shauq-e-shahādat kū-e-qātil kī taraf
gungunātā raqs kartā jhūmtā jaatā huuñ maiñ
wah-re shauq-e-shahadat ku-e-qatil ki taraf
gungunata raqs karta jhumta jata hun main
jilāyā maar kar qātil ne mañ is qatl ke qurbāñ
huā dāḳhil vo ḳhud mujh meñ maiñ aise daḳhl ke qurbāñ
jilaya mar kar qatil ne man is qatl ke qurban
hua daKHil wo KHud mujh mein main aise daKHl ke qurban
maiñ kyā bevafā huuñ ki mahshar meñ qātil ḳhudā se karūñ shikva-e-qatl apnā
zamāna kahe ḳhūn-e-nāhaq bahāyā agar mujh se pūchhā to paanī kahūñgā
main kya bewafa hun ki mahshar mein qatil KHuda se karun shikwa-e-qatl apna
zamana kahe KHun-e-nahaq bahaya agar mujh se puchha to pani kahunga
udhar har vaar par qātil ko barsoñ lutf aayā hai
idhar har zaḳhm ne dī hai sadā-e-āfrīñ barsoñ
udhar har war par qatil ko barson lutf aaya hai
idhar har zaKHm ne di hai sada-e-afrin barson
sitam ko chhoḌ bad achchhā burā badnām duniyā meñ
jafā ke saath terā naam ai qātil nikaltā hai
sitam ko chhoD bad achchha bura badnam duniya mein
jafa ke sath tera nam ai qatil nikalta hai
qātil vo shāḳh hai tirī ye teġh-e-ābdār
jis ko na gul kā ġham hai na hājat samar kī hai
qatil wo shaKH hai teri ye tegh-e-abdar
jis ko na gul ka gham hai na hajat samar ki hai
hai maqtal meñ qātil ke ik vaar kā
kalejā huā sar huā dil judā
hai maqtal mein qatil ke ek war ka
kaleja hua sar hua dil juda
kar ke da.avā ḳhūn-e-nāhaq kā bahut nādim huā
arsa-e-mahshar meñ qātil ko pareshāñ dekh kar
kar ke dawa KHun-e-nahaq ka bahut nadim hua
arsa-e-mahshar mein qatil ko pareshan dekh kar
haiñ ḳhajil qaus-o-hilāl-o-ḳhanjar-o-teġh-e-sitam
qātil-e-ālam hai terī abrū-e-pur-ḳham nahīñ
hain KHajil qaus-o-hilal-o-KHanjar-o-tegh-e-sitam
qatil-e-alam hai teri abru-e-pur-KHam nahin
hukūmat ke mazālim jab se in āñkhoñ ne dekhe haiñ
jigar ham bamba.ī ko kūcha-e-qātil samajhte haiñ
hukumat ke mazalim jab se in aankhon ne dekhe hain
jigar hum bambai ko kucha-e-qatil samajhte hain
is darja pashemāñ mirā qātil hai ki us se
mahshar meñ mire sāmne aayā nahīñ jaatā
is darja pasheman mera qatil hai ki us se
mahshar mein mere samne aaya nahin jata
mar hī ga.e jafāoñ se qātil taḌap-taḌap
maiñ kyā ki aur kitne hī bismil taḌap-taḌap
mar hi gae jafaon se qatil taDap-taDap
main kya ki aur kitne hi bismil taDap-taDap
sikhā.ī naaz ne qātil ko bedardī kī ḳhū barsoñ
rahī betāb siina meñ hamārī aarzū barsoñ
sikhai naz ne qatil ko bedardi ki KHu barson
rahi betab sina mein hamari aarzu barson
chāTtī hai kyuuñ zabān-e-teġh-e-qātil baar baar
be-namak chhiḌke ye zaḳhmoñ meñ mazā kyūñkar huā
chaTti hai kyun zaban-e-tegh-e-qatil bar bar
be-namak chhiDke ye zaKHmon mein maza kyunkar hua
saḳht-jāñ 'sanjar' huā hai ishq meñ
teġh ab qātil kī ḳhālī jā.egī
saKHt-jaan 'sanjar' hua hai ishq mein
tegh ab qatil ki KHali jaegi
jo azm-e-qatl hai āñkhoñ pe paTTī bāñdh lī qātil
mabādā tujh ko rahm aa jaa.e merī nā-tavānī par
jo azm-e-qatl hai aankhon pe paTTi bandh li qatil
mabaada tujh ko rahm aa jae meri na-tawani par
vahm hai yā saham hai qātil ko yā merā ḳhayāl
haath kāñpe jaate haiñ ḳhanjar ravāñ hotā nahīñ
wahm hai ya saham hai qatil ko ya mera KHayal
hath kanpe jate hain KHanjar rawan hota nahin
aaj ik aur baras biit gayā us ke baġhair
jis ke hote hue hote the zamāne mere
