Aahu Shayari

had na pūchho hamārī vahshat kī

dil meñ har daaġh chashm-e-āhū hai

had na puchho hamari wahshat ki

dil mein har dagh chashm-e-ahu hai

ai merī aaho laboñ tak hī raho

aa rahā hai be-ḳhabar aane to do

ai meri aaho labon tak hi raho

aa raha hai be-KHabar aane to do

pā.eñge bhalā ḳhaak tirī chashm ko aahū

chīte bhī ḳhijālat se chhupāte haiñ kamar aaj

paenge bhala KHak teri chashm ko aahu

chite bhi KHijalat se chhupate hain kamar aaj

is bhare shahar meñ kartā huuñ havā se bāteñ

paañv paḌtā hai zamīñ par mirā aahū kī tarah

is bhare shahar mein karta hun hawa se baaten

panw paDta hai zamin par mera aahu ki tarah

zarā kuchh aur bhī himmat nikal jaa.e merī hasrat

vo aatā hai nazar bāb-e-asar ai nātvāñ aahū

zara kuchh aur bhi himmat nikal jae meri hasrat

wo aata hai nazar bab-e-asar ai natwan aahu

raam kis tarah karegā koī sayyād use

apne saaye se bhī ram kartā hai aahū apnā

ram kis tarah karega koi sayyaad use

apne saye se bhi ram karta hai aahu apna