raat thoḌī sī hai bas jaane de mil hañs kar bol

nā-ḳhushī tā-ba-kujā sub.h huī jaatī hai

raat thoḌī sī hai bas jaane de mil hañs kar bol

nā-ḳhushī tā-ba-kujā subh huī jatī hai

aah jis din se aañkh tujh se lagī

dil pe har roz ik nayā ġham hai

aah jis din se aañkh tujh se lagī

dil pe har roz ek nayā ġham hai

ḳhushī hai sab ko roz-e-īd kī yaañ

hue haiñ mil ke bāham āshnā ḳhush

ḳhushī hai sab ko roz-e-īd kī yañ

hue haiñ mil ke bāham āshnā ḳhush

gar kahīñ us ko jalva-gar dekhā

na gayā ham se aañkh bhar dekhā

gar kahīñ us ko jalwa-gar dekhā

na gayā hum se aañkh bhar dekhā

‘bedār’ kauuñ kis ko meñ iz.hār-e-mohabbat

bas dil hai mirā mahram-e-asrār-e-mohabbat

‘bedar’ kaun kis ko mein izhaar-e-mohabbat

bas dil hai mera mahram-e-asrar-e-mohabbat

bad-mizājī nā-ḳhushī āzurdagī kis vāste

gar bure ham haiñ to ho jiye aur se jā āshnā

bad-mizājī nā-ḳhushī āzurdagī kis wāste

gar bure hum haiñ to ho jiye aur se jā āshnā

gar baḌe mard ho to ġhair ko yaañ jā diije

us ko kah dekhiye kuchh yā mujhe uThvā diije

gar baDe mard ho to ghair ko yan ja dije

us ko kah dekhiye kuchh ya mujhe uThwa dije

kaun hai kis se karūñ dard-e-dil apnā iz.hār

chāhtā huuñ ki suno tum to kahāñ sunte ho

kaun hai kis se karun dard-e-dil apna izhaar

chahta hun ki suno tum to kahan sunte ho

hinā kī tarah agar dastaras mujhe hotī

to kis ḳhushī se tire paañv meñ lagā kartā

hinā kī tarah agar dastaras mujhe hotī

to kis ḳhushī se tere pañw meñ lagā kartā

aah qāsid tū ab talak na phirā

dil dhaḌaktā hai kyā huā hogā

aah qāsid tū ab talak na phirā

dil dhaḌaktā hai kyā huā hogā

aah ai yaar kyā karūñ tujh bin

nāla-e-zār kyā karūñ tujh bin

aah ai yar kyā karūñ tujh bin

nāla-e-zār kyā karūñ tujh bin

gar kisī ġhair ko farmāoge tab jānoge

ve hamīñ haiñ ki bajā lāveñ jo irshād karo

gar kisi ghair ko farmaoge tab jaanoge

we hamin hain ki baja lawen jo irshad karo

jagā kar ḳhvāb-e-āsā.ish se 'bedār' aah hastī meñ

adam-āsūdgāñ ko lā ke Daalā hai tabāhī meñ

jagā kar ḳhwāb-e-āsāish se 'bedār' aah hastī meñ

adam-āsūdgāñ ko lā ke Dalā hai tabāhī meñ

ishq kā dard-e-be-davā hai ye

jaane terī balā ki kyā hai ye

ishq kā dard-e-be-dawā hai ye

jaane terī balā ki kyā hai ye

muddatoñ se aarzū ye dil meñ hai

ek din tū ghar hamāre aa.iye

muddaton se aarzu ye dil mein hai

ek din tu ghar hamare aaiye

ek din muddatoñ meñ aa.e ho

aah tis par bhī muñh chhupā.e ho

ek din muddaton mein aae ho

aah tis par bhi munh chhupae ho

aah milte hī phir judā.ī kī

vaah kyā ḳhuub āshnā.ī kī

aah milte hī phir judāī kī

wah kyā ḳhub āshnāī kī

aah milte hī phir judā.ī kī

vaah kyā ḳhuub āshnā.ī kī

aah milte hī phir judāī kī

wah kyā ḳhub āshnāī kī

aaj kyā hai kaho kyuuñ aise ḳhafā baiThe ho

apnī kahte ho na merī hī miyāñ sunte ho

aaj kya hai kaho kyun aise KHafa baiThe ho

apni kahte ho na meri hi miyan sunte ho

yuuñ mujh pe jafā hazār kiijo

par ġhair ko to na pyaar kiijo

yun mujh pe jafa hazar kijo

par ghair ko to na pyar kijo

tum ko kahte haiñ ki āshiq kī fuġhāñ sunte ho

ye to kahne hī kī bāteñ haiñ kahāñ sunte ho

tum ko kahte hain ki aashiq ki fughan sunte ho

ye to kahne hi ki baaten hain kahan sunte ho

kiyā hai garche nā-ḳhush tū ne ham ko

rakhe par ai butāñ tum ko ḳhudā ḳhush

kiyā hai garche nā-ḳhush tū ne hum ko

rakhe par ai butāñ tum ko ḳhudā ḳhush

bahār aa.ī chaman meñ go mujhe kyā

giraftār-o-asīr-e-dām huuñ maiñ

bahaar aai chaman mein go mujhe kya

giraftar-o-asir-e-dam hun main

mehr-e-ḳhūbāñ ḳhāna-afroz-e-dil-afsurda hai

sho.ala āb-e-zindagānī-e-charāġh-e-murda hai

mehr-e-KHuban KHana-afroz-e-dil-afsurda hai

shoala aab-e-zindagani-e-charagh-e-murda hai

gul hī tanhā na ḳhajil hai ruḳh-e-rañgīñ se tire

nargis āñkhoñ ke tire sāmne sharmātī hai

gul hī tanhā na ḳhajil hai ruḳh-e-rañgīñ se tere

nargis āñkhoñ ke tere sāmne sharmātī hai

juz tere nahīñ ġhair ko rah dil ke nagar meñ

jab se ki tire ishq kā yaañ nazm-o-nasaq hai

juz tere nahin ghair ko rah dil ke nagar mein

jab se ki tere ishq ka yan nazm-o-nasaq hai

yuuñ mujh pe jafā hazār kiijo

par ġhair ko to na pyaar kiijo

yun mujh pe jafa hazar kijo

par ghair ko to na pyar kijo

saaf yā durd-e-bāda-e-gul-gūñ

sāqī-e-lāla-fām kuchh bhī hai

saf yā durd-e-bāda-e-gul-gūñ

sāqī-e-lāla-fām kuchh bhī hai

ġhair-e-harf-e-niyāz so bhī kabhū

kah sakūñ huuñ majāl hai kuchh aur

ġhair-e-harf-e-niyāz so bhī kabhū

kah sakūñ huñ majāl hai kuchh aur

bad-mizājī nā-ḳhushī āzurdagī kis vāste

gar bure ham haiñ to ho jiye aur se jā āshnā

bad-mizājī nā-ḳhushī āzurdagī kis wāste

gar bure hum haiñ to ho jiye aur se jā āshnā

dekh ai chaman-e-husn tujhe baaġh meñ ḳhandāñ

shabnam nahīñ ye gul pe ḳhajālat se araq hai

dekh ai chaman-e-husn tujhe bagh mein KHandan

shabnam nahin ye gul pe KHajalat se araq hai

ye tavaqqo.a na thī hameñ hargiz

ki dikhāoge ye jafā dil ko

ye tawaqqoa na thi hamein hargiz

ki dikhaoge ye jafa dil ko

ḳhvāb 'bedār' musāfir ke nahīñ haq meñ ḳhuub

kuchh bhī hai tujh ko ḳhabar ham-safarāñ jaate haiñ

KHwab 'bedar' musafir ke nahin haq mein KHub

kuchh bhi hai tujh ko KHabar ham-safaran jate hain

āshiq-e-jāñ-nisār ko ḳhauf nahīñ hai marg kā

terī taraf se ai sanam jaur-o-jafā jo ho so ho

aashiq-e-jaan-nisar ko KHauf nahin hai marg ka

teri taraf se ai sanam jaur-o-jafa jo ho so ho

niiñd āvegī na tanhā 'bedār'

tā na ḳhvāb us se baham kījiyegā

nind aawegi na tanha 'bedar'

ta na KHwab us se baham kijiyega

dekh tere muñh ko kuchh ā.īna hī hairāñ nahīñ

tujh ruḳh-e-raushan kī hai mahr-o-mah-e-tābāñ meñ dhuum

dekh tere munh ko kuchh aaina hi hairan nahin

tujh ruKH-e-raushan ki hai mahr-o-mah-e-taban mein dhum

gar ijāzat ho to parvāna kī tarah

sadqa hone ko tumhāre aa.iye

gar ijazat ho to parwana ki tarah

sadqa hone ko tumhaare aaiye

yahāñ se 'bedār' gayā vo mah-e-tābāñ shāyad

nazar aatā hai ye ghar aaj to be-nūr hameñ

yahan se 'bedar' gaya wo mah-e-taban shayad

nazar aata hai ye ghar aaj to be-nur hamein

jalva dikhā ke guzrā vo nuur dīdgāñ kā

tārīk kar gayā ghar hasrat-e-kashīdgāñ kā

jalwa dikhā ke guzrā wo nur dīdgāñ kā

tārīk kar gayā ghar hasrat-e-kashīdgāñ kā

āh-e-sozāñ o ashk-e-gul-gūñ se

kār-e-barq-o-sahāb kartā huuñ

aah-e-sozan o ashk-e-gul-gun se

kar-e-barq-o-sahab karta hun

duur ho gar shāmma se tere ġhaflat kā zukām

tū usī kī bū ko paave har gul-o-sausan ke biich

dur ho gar shamma se tere ghaflat ka zukaam

tu usi ki bu ko pawe har gul-o-sausan ke bich

yaad meñ us qad-o-ruḳhsār ke ai ġham-zadagāñ

jā ke Tuk baaġh meñ sair-e-gul-o-shamshād karo

yaad mein us qad-o-ruKHsar ke ai gham-zadagan

ja ke Tuk bagh mein sair-e-gul-o-shamshad karo

ġham-ḳhvār ho kaun ab hamārā

jab tū hī na ġham-gusār niklā

gham-KHwar ho kaun ab hamara

jab tu hi na gham-gusar nikla

kis tarah hāl-e-dil kahūñ us gul se baaġh meñ

phirtī hai us ke saath to har-dam sabā lagī

kis tarah hāl-e-dil kahūñ us gul se baġh meñ

phirtī hai us ke sath to har-dam sabā lagī

na huuñ parvāna-e-har-sham.a 'bedār'

fidā-e-sarv-e-gul-andām huuñ maiñ

na hun parwana-e-har-shama 'bedar'

fida-e-sarw-e-gul-andam hun main

misl-e-nigāh ghar se na bāhar rakhā qadam

phir aa.e har taraf ye jahāñ ke tahāñ rahe

misl-e-nigah ghar se na bahar rakha qadam

phir aae har taraf ye jahan ke tahan rahe

yārab jo ḳhār-e-ġham haiñ jalā de unhīñ ke ta.iiñ

jo ġhuncha-e-tarab haiñ khilā de unhoñ ke ta.iiñ

yarab jo KHar-e-gham hain jala de unhin ke tain

jo ghuncha-e-tarab hain khila de unhon ke tain

kyā mah-o-mehr kyā gul-o-lāla

jab maiñ dekhā to jalva-gar tū hai

kya mah-o-mehr kya gul-o-lala

jab main dekha to jalwa-gar tu hai

dil hai betāb chashm hai be-ḳhvāb

jā-e-'bedār' kyā karūñ tujh bin

dil hai betāb chashm hai be-ḳhwāb

jā-e-'bedār' kyā karūñ tujh bin

bahār-e-gulshan-e-ayyām huuñ maiñ

sahar-e-nūr va savād-e-shām huuñ maiñ

bahaar-e-gulshan-e-ayyam hun main

sahar-e-nur wa sawad-e-sham hun main